Shrift o'lchami Rang Rasm

VIRTUAL QABULXONA

INTERAKTIV XIZMATLAR

NORMATIV XUJJATLAR

Sektorlar faoliyati

OCHIQ MA‘LUMOTLAR

ASOSIY STATISTIK AXBOROTLAR

<< SENTYABR 2018 >>
DUSECHPAJUSHYA
     12
3456789
10111213141516
17181920212223
24252627282930

.

.

Farg'ona viloyati investitsion salohiyati

Yuridik va jismoniy shaxslar tomonidan veb sayt orqali bo'lgan murojaatlar

Jami murojaatlar: 117
Ko'rib chiqilmoqda: 92 (78.6%)
Javob berilgan: 25 (23.4%)

Saytni baholash




Yangiliklarga obuna bo'lish

Hozir saytda 54 nafar foydalanuvchi Ishonch telefoni statistikasi
Ishonch telefoniga berilgan baholar

Matnda xatolik ko'rdingizmi?

Sichqoncha bilan belgilab

Bir yuz o‘n uchinchi bahorli momo

×

 2018-09-05 11:44:48    55

PDF yuklash
Chop etish


Prezidentimiz Farmoni bilan Uchko‘prik tumani Sariqo‘rg‘on qishlog‘ida istiqomat qiluvchi 113 yoshli Shahrinsa momo Pozilova “Shuhrat” medali bilan taqdirlandi.

1905 yilda tavallud topgan Shahrinsa momoning suyagi mehnatda qotgan. Dalada ketmon chopdi, paxta terdi, qurt boqdi. Front ortida erkaklardek shijoat bilan ishladi. Uch nafar farzandini oq yuvib, oq taradi. Kichik dilbandi Zamiraxon ikki yoshga kirganida turmush o‘rtog‘idan ayrilib qolgan edi. Shu-shu ikki o‘g‘il, bir qiziga ham ona, ham ota bo‘lib, bor mehrini berdi. Qiyinchilik kelganda sabr, baxt kelganda shukur qildi. Mana, bugun onaxon 40 dan ziyod nevara, chevaralar ardog‘ida. U hamisha davlatimiz, mahalla-kuy e’tiborida ekanligini yaxshi his qiladi.

Viloyat hokimi Shuhrat G‘aniev onaxon istiqomat qilayotgan xonadonga borib, “Shuhrat” medali va pul mukofotini o‘z egasiga topshirdi. Piru badavlat keksalarimiz yurt boyligi, xonadonlar fayzi, oilalar barakasi ekanligini  ta’kidlab, onaxonga uzoq umr, sihat-salomatlik tiladi.

Sh.Pozilovaga viloyat hokimligining qimmatbaho sovg‘asi – zamonaviy televizor, homiy tashkilotlar tomonidan ajratilgan aravacha, oziq-ovqat mahsulotlari ham taqdim etildi.

Shahrinsa momo  bu e’tibordan ko‘ngli yayrab, duoga qo‘l ochar ekan eng avvalo yurtga tinchlik, elga xotirjamlik tiladi.

– Biz keksalarga alohida e’tibor qaratgan Yurtboshimga rahmat! Viloyat rahbarining xonadonimda birinchi bor bo‘lishi emas, mana, yana medalni ko‘ksimga taqqani keldi. Bu yo‘qlovlardan, mukofotu sovg‘alardan boshim ko‘kka etdi, – deydi  momo qalbda quvonch, tilda shukronalik ila. 


                                                                   Sohiba ABDURAHMONOVA.