Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Сайтни бахолаш
Ишонч телефонига берилган бахолар
Кўрик-танлов: Ўзбекистон ХДПнинг энг фаол аёли
2018-02-14 12:22:30 67
“Фарғонаазот” АЖнинг “Кимёгарлар” маданият саройида “Ташаббус ва ғояларимиз мустақил Ўзбекистон тараққиёти учун” шиори остида “Ўзбекистон ХДПнинг энг фаол аёли” кўрик-танлови вилоят босқичи бўлиб ўтди.
Мамлакатимизда демократик ислоҳотларни янада чуқурлаштириш ва фуқаролик жамиятини ривожлантиришда хотин-қизларнинг фаол иштирокини таъминлаш, хотин-қизларда қатъий фуқаролик позициясини шакллантириш, конституциявий ҳуқуқ ва эркинликларини ҳамда ўз имкониятларини рўёбга чиқаришларига кўмаклашиш мақсадидаги мазкур кўрик-танлов Ўзбекистон ХДП Устави, Сайловолди дастури ҳамда Ҳаракат дастурида белгиланган вазифаларни амалиётга татбиқ этишда партия сафидаги хотин-қизлар салоҳиятидан самарали фойдаланиш, юксак сиёсий билим ва ташкилотчилик қобилиятига эга бўлган хотин-қизларни аниқлашда муҳим аҳамият касб этмоқда.
Тадбирда Ўзбекистон ХДП Марказий Кенгаши “Хотин-қизларнинг ижтимоий-сиёсий фаоллигини ошириш” сектор мудири Гулшан Асатова, партиянинг вилоят ҳамда туман, шаҳар кенгашларидаги партия гуруҳи аъзолари, ҳамкор ташкилотлар ва ОАВ вакиллари иштирок этдилар.
Кўрик-танлов қатнашчилари 3 та шарт – “Лойиҳа тақдимоти”, “Қонунларимиз ҳаётимиз асосидир”, “Сиёсий ҳозиржавоблик” бўйича беллашдилар. Кўрик-танлов якунида Бувайда тумани мактабгача таълим бўлими бошлиғи Севара Қурбонова 1-, Риштон тумани 47-умумий ўрта таълим мактаби ёшлар етакчиси Нафисахон Ядгарова 2-, Фарғона тумани 4-умумий ўрта таълим мактаби математика фани ўқитувчиси Шарифахон Ҳакимова 3-ўринни эгалладилар.
Ғолиблар диплом ва эсдалик совғалари билан тақдирландилар.
Гулноза ВАЛИЕВА.
Суратни Шерзод ҚОРАБОЕВ олган.