Shrift o'lchami Rang Rasm

VIRTUAL QABULXONA

INTERAKTIV XIZMATLAR

NORMATIV XUJJATLAR

Sektorlar faoliyati

OCHIQ MA‘LUMOTLAR

ASOSIY STATISTIK AXBOROTLAR

<< Dekabr 2018 >>
DUSECHPAJUSHYA
     12
3456789
10111213141516
17181920212223
24252627282930
31      

.

.

Farg'ona viloyati investitsion salohiyati

Yuridik va jismoniy shaxslar tomonidan veb sayt orqali bo'lgan murojaatlar

Jami murojaatlar: 117
Ko'rib chiqilmoqda: 92 (78.6%)
Javob berilgan: 25 (23.4%)

Saytni baholash




Yangiliklarga obuna bo'lish

Hozir saytda 73 nafar foydalanuvchi Ishonch telefoni statistikasi
Ishonch telefoniga berilgan baholar

Matnda xatolik ko'rdingizmi?

Sichqoncha bilan belgilab

“Har bir oila – tadbirkor” dasturi amalda

×

 2018-06-18 21:22:56    1126

PDF yuklash
Chop etish


O‘zbekiston Respublikasi Prezidentining joriy yil 12-13 iyun kunlari Farg‘ona viloyatiga tashrifi davomida bergan topshiriqlari hamda  2018 yil 7 iyundagi “Har bir oila - tadbirkor” dasturini amalga oshirish to‘g‘risida”gi PQ-3777-sonli qarori ijrosini ta’minlash maqsadida Buvayda tumanida 2018 yilning 17 iyun kuni viloyat hokimligi tashabbusi bilan ko‘rgazmali seminar tashkil etildi.

Seminarda viloyat hokimining birinchi o‘rinbosari Akmalxon Ortiqov, viloyat boshqarmalari rahbarlari, tijorat banklari rahbarlari, barcha shahar va tuman hokimlarining iqtisodiyot va tadbirkorlik masalalari bo‘yicha birinchi o‘rinbosarlari  hamda investitsiya bo‘yicha o‘rinbosarlari, Buvayda tumani 4 ta sektor rahbarlari, mutaxassislar, mahalla fuqarolar yig‘inlari raislari, tadbirkorlar hamda fuqarolar ishtirok etdilar.

Yig‘ilganlarga “Har bir oila – tadbirkor” dasturini amalga oshirilishi yuzasidan kelib chiqadigan vazifalar bo‘yicha to‘liq tushunchalar berildi. Jumladan, tadbirkorlik bilan shug‘ullanish istagida bo‘lgan aholiga imtiyozli kreditlar ajratish, tadbirkorlik va daromad keltiradigan mehnat faoliyati bilan shug‘ullanmagan aholiga tadbirkorlik ko‘nikmalarini o‘rgatish, kasanachilik va kichik hajmda ishlab chiqaruvchi sub’yektlarni tashkil etish, tajribaga ega tadbirkorlarni mahallalarda yangi biznes faoliyati bilan shug‘ullanishni boshlagan oilalarga biriktirish, qishloq va mahallalarda bo‘sh turgan yer maydonlarini yangi tashkil etilayotgan oilaviy tadbirkorlik sub’yektlariga berish masalalari bo‘yicha alohida to‘xtalib o‘tildi va seminar qatnashchilari tomonidan berilgan savollarga batafsil tushuntirishlar berildi.

Shunigdek, seminar davomida minitexnologiyalar ko‘rgazmasi ham tashkil etildi. Ko‘rgazmada tadibirkorlar tomonidan aholi uchun mini traktorlar, yerga ishlov beruvchi mini kultivatorlar, tikuv mashinalari, qadoqlovchi uskunalar, gazlamalarga gul bosish uskunalari, mini kombaynlar, shlakoblok, va boshqa shu kabi ishlab chiqarish uskunalari namoyish etildi.





Kun davomida tashkil etilgan ko‘rgazmada 1000 dan ziyod tadbirkorlik faoliyati bilan shug‘ullanish istagini bildirgan fuqarolar ishtirok etdilar.

Shu o‘rinda ta’kidlash lozimki, viloyatimizning barcha hududlarida “Har bir oila – tadbirkor” shiori ostida o‘tkazilgan seminarlar, tarqatma materiallar, ommaviy axborot vositalari orqali hamda mas’ul xodimlarning uyma-uy yurib O‘zbekiston Respublikasi Prezidentining mazkur qarori mazmun mohiyatini yetkazilishi natijasida, bugungi kunga qadar viloyatda 30 ga yaqin yo‘nalishlar bo‘yicha 226,9 mlrd. so‘mdan ortiq kredit olish istagi bildirildi. Xonadon egalari asosan, chorvachilik, quyonchilik, asalarichilik, issiqxona, to‘qimachilik, hunarmandchilik, eshik va romlar yasash hamda maishiy xizmat ko‘rsatish kabi yo‘nalishlarda tadbirkorlik faoliyatini boshlashni ma’qul ko‘rmoqdalar.  

Davlatimiz rahbari Shavkat Mirziyoyevning viloyatimizga tashriflari davomida Oltiariq tumanida o‘tkazilgan faollar yig‘ilishida yuqoridagi dastur asosida 100 mln. AQSH dollari miqdorida mablag‘ ajratilishi, shuningdek, ushbu mablag‘lardan samarali foydalanish yo‘lga qo‘yilganidan so‘ng yana shuncha miqdorda mablag‘ viloyatimiz aholisiga taqdim etilishini alohida ta’kidlab o‘tdilar.

Ushbu dasturning amalga oshirilishi, ayniqsa, qishloq joylarda oilaviy biznes va tadbirkorlikni rivojlantirishga, aholi farovonligini yanada yaxshilashga xizmat qiladi.