Farg‘onada Xitoy kompaniyasi bilan hamkorlik memorandumi imzolandi Avval xabar berganimizdek, Xitoyning “Jilin Shengde Investment Group Co., Ltd” kompaniyasi bilan o‘tgan uchrashuvlarda viloyatimizda qator sohalar bo‘yicha istiqbolli loyihalarni amalga oshirish, o‘zaro manfaatli hamkorlikni yo‘lga qo‘yish masalalari bo‘yicha muzokaralar olib borilgan edi. Viloyat hokimligida bo‘lib o‘tgan bugungi muloqotda ham ushbu ishlarni amaliy bosqichiga kirishish masalalari muhokama qilindi. Viloyat hokimligi va “Jilin Shengde Investment Group Co., Ltd” o‘rtasida Farg‘ona viloyatida turizm, sog‘liqni saqlash va ijtimoiy sohalarni takomillashtirish va rivojlantirish bo‘yicha hamkorlik memorandumi imzolandi.