Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
РАСМИЙ МУНОСАБАТ
2021-10-04 18:43:39 47
Бугун ижтимоий тармоқларда “Хайрулло Бозоров чин етим боланинг 76 млн сўмлик ипотека кредитини тўлаб берди” сарлавҳали материал эълон қилинди. Ушбу материал юзасидан вилоят ҳокимлиги томонидан қуйидагилар маълум қилинади:
Ота-она меҳридан маҳрум ва ногиронлиги бор болаларни қўллаб-қувватлаш, уларни жамиятнинг фаол аъзолари сифатида тарбиялаш бугунги кунда Муҳтарам Президентимиз раҳбарликларида олиб борилаётган сиёсатнинг устувор йўналишларидан бири бўлиб келмоқда.
Давлатимиз раҳбари Меҳрибонлик уйларидаги болаларни оилага яқин муҳитда тарбиялаш, билим ва маънавиятли, ватанпарвар инсонлар этиб вояга етказиш масаласига катта эътибор қаратиб келмоқдалар.
Ўзбекистон Республикаси Президентининг 2021 йил 9 августдаги “Етим болалар ва ота-она қарамоғидан маҳрум бўлган болаларни давлат томонидан қўллаб-қувватлашнинг янги тизимини жорий этиш чора-тадбирлари тўғрисида”ги ПҚ-5216-сон қарори ҳам бу тоифадаги болаларнинг ҳуқуқ ва эркинликларини рўёбга чиқариш, ижтимоий ҳимоясини кучайтириш, уларни давлат томонидан қўллаб-қувватлаш механизмларини янада такомиллаштиришга қаратилган.
Ушбу қарорга асосан 18 ёшга тўлган, уй-жойга муҳтож етим болаларга янги қурилган уй-жойлар бепул ажратиб борилади, бунинг учун жорий йилнинг ўзида бюджетдан 120 миллиард сўм йўналтирилади.
Қарор билан 2021 йилда Қорақалпоғистон Республикаси, вилоятлар ва Тошкент шаҳрида етим болалар ва ота-она қарамоғидан маҳрум бўлган болалар учун уй-жой харид қилишнинг мақсадли параметрлари белгилаб берилган бўлиб, унга кўра Ўзбекистон Республикаси бюджетидан ҳамда маҳаллий бюджетларнинг қўшимча манбалари ҳисобидан Фарғона вилоятида 26 та бундай уй-жойлар харид қилиниши белгилаб берилган. Марғилонлик чин етим фуқаронинг уй-жой учун ипотека кредити тўлови ҳам ана шу қарор доирасида амалга оширилган бўлиб, буни вилоят ҳокими номи билан боғланиши нотўғри экани маълум қилинади.
Оммавий ахборот воситаларидан ва ижтимоий тармоқдаги каналлардан расмий манбага эга бўлмаган бундай ахборотларни тарқатмаслик сўралади.
Бизни ижтимоий тармоқларда кузатинг
Facebook,
Telegram,
Facebook,
YouTube
