Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
ПРЕЗИДЕНТ ҚАРОРИ БИЛАН АЖРАТИЛГАН КВОТА АСОСИДА БАҒДОДЛИК 6 НАФАР ХОТИН-ҚИЗ ТАЛАБАЛИККА ҚАБУЛ ҚИЛИНДИ
2020-10-02 20:17:08 67
Бағдод тумани ҳокимлигининг маҳалла ва оилани қўллаб-қувватлаш бўлими бошлиғи Дилфузахон Каримованинг маълум қилишича, Ўзбекистон Республикаси Президентининг “2020/2021-ўқув йилида Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари тўғрисида”ги қарорига мувофиқ ажратилган квоталар учун бағдодлик 100 нафар хотин-қизга бўлим томонидан тавсиянома берилган. Олий таълим муассасаларига кириш имтиҳонлари якунлангач, уларнинг 6 нафари талабаликка қабул қилингани маълум бўлди.
Туманнинг “Самандарак” маҳалла фуқаролар йиғинида яшовчи Муҳтасархон Мусаеванинг қувончи чексиз бугун. Сабаби, у ҳам квота асосида Қўқон Давлат педагогика институтининг Она тили ва адабиёт факультетига қабул қилинди.
- Бунинг учун Президентимизга минг раҳмат, - дейди у қувончи ичига сиғмасдан. – Талаба бўлиш ҳаётимдаги энг катта орзуим эди ва бунга эришдим, жудаям бахтиёрман. Эндиги бош мақсадим: олим таълимни тамомлагач, Ватанимизга, халқимизга сидқидилдан хизмат қилиш.
Қўқон Давлат педагогика институтининг Мактабгача таълим факультети декани, фалсафа доктори Адҳамжон Абдурашидов талабаларни бу муваффақият билан самимий қутлаб, уларга институт ректорининг табрикномаси ҳамда эсдалик совғасини топширди.
Маълумот учун: давлат раҳбари қарори билан ажратилган квота асосида талабаликка қабул қилинган бағдодлик хотин-қизларнинг 5 нафари Қўқон Давлат педагогика институтида, 1 нафари эса Фарғона Давлат университетида таҳсил олади.
Бағдод тумани ҳокимлиги Ахборот хизмати.
