Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
ДЕПУТАТЛАР ТУМАННИ ИЖТИМОИЙ-ИҚТИСОДИЙ РИВОЖЛАНТИРИШ БЎЙИЧА “ЙЎЛ ХАРИТАСИ”НИ МУҲОКАМА ҚИЛДИЛАР
2020-10-05 19:59:21 99
БУГУН, 5 октябрь куни халқ депутатлари Бағдод тумани Кенгашининг навбатдаги XIII сессияси бўлиб ўтди. Уни Кенгаш раиси, туман ҳокими Алибек Турсунов очди ва олиб борди.
Секторлар раҳбарлари, туман ҳокими ўринбосарлари, ижтимоий-иқтисодий соҳалар вакиллари ҳамда оммавий ахборот воситалари ходимлари қатнашган сессия ишида депутатлар туманни ижтимоий-иқтисодий ривожлантириш бўйича ишлаб чиқилган “Йўл харитаси”ни муҳокама қилдилар.
Ўзбекистон Республикаси Президенти Шавкат Мирзиёев раҳбарлигида шу йилнинг 24 сентябрь куни бўлиб ўтган видеоселектор йиғилишида ҳудудларнинг ижтимоий-иқтисодий ривожланиш даражасини баҳолашнинг рейтинг кўрсаткичлари натижасига кўра, Бағдод тумани “ўрта ҳудуд” сифатида баҳоланган эди. Ўтган давр мобайнида йўл қўйилган камчиликларни бартараф этиш, 2020 йил якунлари ҳамда келгуси йилнинг 1-ярим йиллигида барча кўрсаткичларни яхшилаш юзасидан сектор раҳбарлари томонидан “Йўл харитаси” ишлаб чиқилди. Сессияда мазкур “Йўл харитаси”да кўзда тутилган аниқ ва манзилли чора-тадбирларни амалга ошириш механизмлари, белгиланган муддатлар ҳамда ижрочи-масъулларнинг вазифалари бўйича сектор раҳбарларининг ахборотлари тингланди.
Дастлаб сессия иштирокчилари туман Кенгаши раиси, туман ҳокими, 1-сектор раҳбари Алибек Турсуновнинг ахборотини тингладилар.
Ахборот берувчи мамлакатда тадбиркорлик ташаббуслари ва лойиҳаларини жадал амалга оширишни ташкил этиш, аҳоли билан мулоқот тизимини йўлга қўйиш, аҳоли турмуш даражаси ва бандлигини ошириш, ҳудудларни жадал ва комплекс ижтимоий-иқтисодий ривожлантиришни таъминлашда маҳаллий ижроия ҳокимияти органлари раҳбарларининг шахсий жавобгарлигини ошириш бўйича комплекс чора-тадбирларни амалга оширилиш мақсадида Давлатимиз раҳбарининг 2020 йил 1 майдаги “Ҳудудларни ижтимоий-иқтисодий ривожлантиришни рейтинг баҳолаш тизимини жорий этиш тўғрисида”ги ПҚ–4702-сон қарори қабул қилингани, унга кўра туманлар ва шаҳарларнинг ижтимоий-иқтисодий ривожланишини рейтинг баҳолаш тизими жорий этилганига тўхталиб ўтди.
Туман ҳокими ўз сўзида Президентнинг юқоридаги маърузасида қайд этиб ўтилган ишлар ва вазифаларни сектор раҳбарлари билан биргаликда амалга ошириб, 2020 йил якуни билан туманни “ўрта” ҳудуд тоифасидан “яхши” ҳудуд тоифасига чиқариш учун барча зарурий чоралар кўрилишини таъкидлади.
Шундан сўнг туман прокурори, 2-сектор раҳбари Мирзобедил Назаров, туман ИИБ бошлиғи, 3-сектор раҳбари Жаҳонгир Ҳасанов, туман ДСИ бошлиғи, 4-сектор раҳбари Абдурасул Қосимовнинг кун тартибидаги масала юзасидан ахборотлари тингланди.
Сессияда вилоят ҳокимининг ўринбосари, вилоят инвестициялар ва ташқи савдо бошқармаси бошлиғи Муҳсинхўжа Абдураҳмонов қатнашиб, кун тартибидаги масала юзасидан фикр-мулоҳазаларини билдирди.
Сессия якунига кўра, депутатлар туманни ижтимоий-иқтисодий ривожлантириш бўйича ишлаб чиқилган “Йўл харитаси”ни тасдиқлаш юзасидан қарор қабул қилдилар.
Бағдод тумани ҳокимлиги Ахборот хизмати.
