1. Бош сахифа

ҲОКИМ ЁРДАМЧИЛАРИ МАҲАЛЛАЛАРДА ТАДБИРКОРЛИКНИ РИВОЖЛАНТИРИШ ВА АҲОЛИ БАНДЛИГИНИ ТАЪМИНЛАШ УЧУН АВВАЛО, МАҲАЛЛАНИНГ “ЎСИШ НУҚТАЛАРИ”НИ АНИҚЛАБ ОЛИШИ КЕРАК

×

Вилоят ҳокими Хайрулло Бозоров Учкўприк туманида “Чорбоғ” маҳалла фуқаролар йиғини учун давлат-хусусий шериклик асосида қурилган замонавий идора биносида бўлди.

Шу кунга қадар давлат-хусусий шериклик асосида Учкўприк туманидаги 12 та маҳалла фуқаролар йиғини учун янги бинолар қурилиб, фойдаланишга топширилган.

Намунавий лойиҳа асосида қисқа фурсатларда қурилиб, фойдаланишга топширилган “Чорбоғ” маҳалла фуқаролар йиғинининг янги биносида ходимлар ва маҳалла аҳолиси учун барча зарур шароит ва қулайликлар яратилган.

Қурилиш ишларига 2 миллиард 200 миллион сўмдан зиёд маблағ сарфланган икки қаватли замонавий бинода маҳалла раиси, унинг ўринбосарлари, ҳоким ёрдамчиси ҳамда профилактика инспектори хоналари ва кутубхона ҳам жойлаштирилган. Хоналарни замонавий мебель жиҳозлари билан таъминлаш учун 100 миллион сўм маблағ йўналтирилган. 

Вилоят раҳбари бу ерда янги жорий этилаётган ҳоким ёрдамчиси вазифасига номзоди тасдиқланган мутахассис билан маҳалланинг “ўсиш нуқталари”ни аниқлаш, аҳоли ҳаётини яхшилаш бўйича асосий йўналиш ва вазифалар масаласида мулоқот қилди. “Ўсиш нуқталари”ни аниқ белгилаш, тадбиркорликни ривожлантириш ва аҳоли бандлигини таъминлашда асосий омил бўлишини қайд этган вилоят ҳокими, биринчи навбатда маҳаллада кундалик эҳтиёжлар учун зарур бўлган хизматлар турларини ривожлантириш, ишсиз ёшлар ва аёлларнинг бандлигини таъминлаш, аҳоли томорқаларидан самарали фойдаланишни ташкил этиш каби масалаларга алоҳида эътибор қаратиш зарурлигини уқтирди.

Бизни ижтимоий тармоқларда кузатинг
Facebook, Telegram, Facebook, YouTube