Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Сайтни бахолаш
Ишонч телефонига берилган бахолар
БУХОРОДАН МИННАТДОРЧИЛИК ХАТИ КЕЛДИ
2020-05-16 10:36:57 81
Бухоро ва Сирдарё вилоятларида содир бўлган кутилмаган офатларни бартараф этишда ҳамда табиий ва техноген тусдаги фавқулодда ҳолатлардан жабр кўрган юртдошларимизга кўмак беришда халқимизнинг бирдамлиги, инсонпарварлик фазилатлари намоён бўлди.
Фарғоналиклар биринчилардан бўлиб, озиқ-овқат маҳсулотлари, кийим-кечак, қурилиш материалларидан иборат саховат карвонини жўнатдилар. Шунингдек, яхши қўшничилик анъаналарига мувофиқ, Қирғизистон Рес-публикасининг Баткен вилояти аҳолисига коронавирус пандемиясига қарши курашда яқиндан кўмаклашиш мақсадида инсонпарварлик ёрдами кўрсатилди.
Куни кеча Фарғона вилояти ҳокими Ш.Ғаниев номига Бухоро вилояти ҳокими К.Камоловдан бухороликларнинг миннатдорчилиги битилган хат келди. Унда қуйидаги дил сўзлари ёзилган:
“Ҳурматли Шуҳрат Мадаминович!
Сизга ва Сиз орқали бутун Фарғона халқига 27 апрель куни кузатилган кучли шамол ва ёғингарчилик туфайли Бухоронинг табиий офатдан зарар кўрган ҳудудларига жўнатилган энг зарур қурилиш материаллари ва озиқ-овқат маҳсулотларидан иборат гуманитар ёрдам учун ташаккур изҳор қиламан.
Коронавирус пандемиясига қарши кескин кураш кечаётган бугунгидек оғир шароитда кўрсатилган ушбу ёрдам табиий офатдан зарар кўрган фуқароларимиз дуч келган қийинчиликларга бутун халқимиз елка тутаётганини яққол намоён этиб, бирдамлик ҳиссини янада оширмоқда. Биз бундай мураккаб вазиятда “Дўст кулфатда билинади”, деган ҳикматни янада теранроқ ҳис этмоқдамиз.
Бухороликларнинг самимий дуолари билан Сизни ва фарғоналикларни Яратганнинг ўзи доимо паноҳида асрасин!
Чексиз эҳтиром билан К.Камолов.
Фарғона вилояти ҳокимлиги Ахборот хизмати
Facebook, Telegram, Веб сайт, YouTube