![](https://fergana.uz/uploads/sdfsdfsdfsdfsdfsdafsfdasdf.jpg)
Фарғона вилояти ҳокими
Бозаров Хайрулло Хайитбаевич
![](https://fergana.uz/images/img/flag-gerb.gif)
.
.
Сайтни бахолаш
Ишонч телефонига берилган бахолар
ФАРҒОНАДА “ЯНГИ НАФАС” ЮГУРИШ МУСОБАҚАСИ КЎТАРИНКИ КАЙФИЯТДА ЎТКАЗИЛДИ
![](https://fergana.uz/uploads/bot/fbc94b47afa2d1ad5106c.jpg)
2023-11-19 15:24:57 2531
Бугун республикамизнинг барча ҳудудларида бўлгани каби Фарғонада ҳам Ўзбекистон Республикаси давлат байроғи қабул қилинган кунга бағишланган “Янги нафас” оммавий югуриш мусобақаси бўлиб ўтди.
Вилоят ҳокимлиги, вилоят Ёшлар сиёсати ва спорт бош бошқармаси, вилоят ички ишлар бошқармаси, Шарқий ҳарбий округ қўмондонлиги ҳамда бошқа масъул ташкилотлар ҳамкорлигида ташкил этилган мусобақада ёшлар, кексалар ҳамда жисмоний имконияти чекланган шахслар қатнашди.
Мусобақа иштирокчилари Фарғона шаҳрининг Аҳмад Фарғоний кўчасидан Ислом Каримов номидаги вилоят театр ва концерт саройигача бўлган 3 километрли масофани босиб ўтдилар.
Вилоят театр ва концерт саройи олд саҳнасида мусобақа ғолиблари ва совриндорларини тантанали тақдирлаш маросими ўтказилди. Тақдирлаш маросимида вилоят ҳокимининг ўринбосари Файзуллажон Қосимов иштирок этди.
Мусобақанинг якуни билан, хаваскорлар ўртасида Темурбек Абдулазизов, қизлардан Асал Каримова 1-ўринни эгаллади.
Профессионал спортчилар ўртасида 1-ўринга Рухшод Маъмуров, қизлар орасидан Сабохат Самижонова муносиб кўрилди.
Жисмоний имконияти чекланган шахслар ўртасида Хасанбой Зокиров, қизлардан Мухлиса Маҳмудова ғолибликни қўлга киритди.
Худойберди Абдушукуров мусобақанинг энг ёш иштирокчиси, Хасанбой Алифшаев эса мусобақанинг энг ёши улуғ иштирокчиси деб топилди.
Ғолиб ва совриндорларга диплом ва эсдалик совғалар топширилди.
![](https://telegra.ph/file/fbc94b47afa2d1ad5106c.jpg)
![](https://telegra.ph/file/4ade99d7043557b6f15e8.jpg)
![](https://telegra.ph/file/7fb5d92ca097668214e09.jpg)
![](https://telegra.ph/file/b8613d36c901adb450ab8.jpg)
![](https://telegra.ph/file/95a82045d0747a89200fa.jpg)
![](https://telegra.ph/file/418aff2eaa2ec5f5060cf.jpg)
![](https://telegra.ph/file/88d61de37007a0f9cac6e.jpg)
![](https://telegra.ph/file/0b86d92f7db05be5f2344.jpg)
![](https://telegra.ph/file/8d5aae8cdcf918c4da3cd.jpg)
![](https://telegra.ph/file/ca861276d0e2d5947777c.jpg)
Бизни ижтимоий тармоқларда кузатинг
Facebook,
Telegram,
Facebook,
YouTube,
Instagram