Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
O‘zbekistonda latviyalik etakchi ekspertlar ishtirokida seminarlar bo‘lib o‘tadi
2018-02-24 20:12:28 158
Avval xabar qilganimizdek, Farg‘ona viloyati hokimligi delegatsiyasi Latviya Respublikasida bo‘lib o‘tgan “Balt-Tur” xalqaro yarmarkasida ishtirok etib kelgan edi. Tashrif davomida ijtimoiy-iqtisodiy, qishloq xo‘jaligi kabi sohalarni har tomonlama rivojlantirishga qaratilgan bir qator hujjatlar, memorandumlar imzolangan bo‘lib, hozirda ushbu uchrashuv natijalari bo‘yicha hamkorlik aloqalari rivojlantirilmoqda.
2018 yilning 27 fevralidan 1 martigacha Toshkent va Farg‘onada qishloq xo‘jalik sohasida qishloq xo‘jaligi mahsulotlarini standartlashtirish masalalari bo‘yicha latviyalik etakchi ekspertlar O‘zbekiston Respublikasi agrar kompleks mutaxassislari, oliy ta’lim muassasalarining qishloq xo‘jaligi yo‘nalishi talabalari va qishloq xo‘jaligi mahsulotlarini ishlab chiqarish va qayta ishlash sohasida faoliyat ko‘rsatuvchi tadbirkorlar uchun seminarlar o‘tkaziladi. Seminar “Agrar kompleks korxonalarida GLOBALGAP xalqaro standartlari, shuningdek, ishlab chiqarilayotgan qishloq xo‘jalik mahsulotlari sifatini nazorat qilishni ta’minlash bo‘yicha maxsus laboratoriyalar tashkil qilish va faoliyat ko‘rsatish masalalari” mavzusida bo‘lib o‘tadi.
Seminarda latviyalik ekspertlar – Oziq-ovqat mahsulotlari xavfsizligi, jonivorlar va atrof-muhit salomatligi “VIOR” Instituti direktori janob Ayvars Berzinsh hamda “Musmayudarzeni” kooperativ jamiyati boshqaruvi raisi Edite Strazdinya xonim qatnashadilar.Ular o‘zbek hamkasblari bilan qishloq xo‘jaligi mahsulotlarining har xil turlarini ishlab chiqarish va qayta ishlash sohasidagi Latviyaning eng yaxshi, yetakchi korxonalaridagi ko‘p yillik ilg`or amaliy tajriba, ulardagi samarali metodlar haqida o‘rtoqlashadilar.
Bo‘lajak seminarlar 2015 yildayoq agrar sektorda yo`lga qo`yilgan Latviya va O‘zbekiston o‘rtasidagi amaliyotning davomi bo‘lib, bu sohada O‘zbekiston Respublikasi tashqi savdo potensialini yanada rivojlantirish maqsadida ikki tomonlama o‘zaro foydali hamkorlikni faollashtirishga qaratilgan hamda bu O‘zbekistonda prezident Shavkat Mirziyoev tomondan bugungi kunda amalga oshirilayotgan islohotlar negizida ayniqsa dolzarb. Seminarlar ommaviy diplomatiyaning keng dasturiy qismi bo‘lib, joriy yilda nishonlanayotgan Latviya Respublikasi mustaqilligining 100 yilligi doirasida nishonlanadi.
Latviya ekspertlarining tashrifi va ular tomonidan o‘tkaziladigan seminarlar Toshkent Qishloq xo‘jaligi Universiteti va Farg‘ona viloyati hokimligi tomonidan AQSHning xalqaro rivojlanish agentligi USAID va Latviya Respublikasining O‘zbekiston Respublikasidagi Elchixonasi bilan yaqin hamkorlikda tashkil etilmoqda.
Toshkent shahridagi seminar 27 fevral kuni soat 10.00dan 17.00.gacha bo‘lib o‘tadi. Farg‘onadagi qishloq xo‘jaligida tadbirkorlik bilan shug‘ullanuvchilar uchun seminar va konsultatsiyalar 28 fevral va 1 martga rejalashtirilgan. Tadbirlar O‘zbekiston Respublikasining qishloq xo‘jaligi sektorining mutaxassislarining keng ommasiga mo‘ljallangan. Mazkur seminarlarda ishtirok etishni xohlovchilarning barchasi tadbirlarni o‘tkazish bo‘yicha mas’ul shaxslarga murojaat qilishlari mumkin:
Toshkent davlat agrar universiteti
Xalqaro bo‘lim: Sanjar Adilov
El.pochta: adilovs@hotmail.com
Farg‘ona viloyati hokimligi
Abduraxmonov Muxsinxuja Tursunxujaevich
El.manzil: m.abduraxmonov@ferghana.uz
Latviya Respublikasining O‘zbekistondagi elchixonasi
Toshkent shahri, Lashkarbegi ko‘chasi, 16 A uy.
Tel.: +998712372215
Faks: +998711207036
El.pochta: embassy.uzbekistan@mfa.gov.lv
Veb-sahifa: www.latvia.uz, www.mfa.gov.lv