1. Bosh sahifa

ADABIYOT YASHASA MILLAT VA XALQ BEZAVOL YASHAYDI: FARG’ONA SHAHRIDAGI 10-IDUMDA BIR GURUH USTOZ YOZUVCHI-SHOIRLAR ISHTIROKIDA ADABIYOT BAYRAMI TASHKILLANDI

×

Viloyat miqyosidagi ma'naviy-ma'rifiy tadbirlar va ijodiy uchrashuvlar o’tkazish katta an'anaga aylangan Farg’ona shahridagi 10-IDUMda bir guruh ustoz yozuvchi-shoirlar ishtirokida adabiyot bayrami tashkillandi.

Tadbirda viloyat hokimining davlat tili masalalari bo’yicha maslahatchisi Sohibjamol Tongotarova, O’zbekiston Yozuvchilar uyushmasi a'zolari – taniqli shoir, dramaturg Saydali Odilov va shoira Mo’'tabar G’ulomova, O’zbekiston Jurnalistlari ijodiy uyushmasi a'zolari Saodatxon Oripova va Manzura Erkaboyeva hamda maktabning adabiyotga qiziquvchi yoshlari, ustozlari ishtirok etdilar.

Adabiy uchrashuv Farg’ona viloyati hokimi Xayrullo Bozorovning joriy yilning 23 oktyabr kuni qabul qilgan farmoyishiga asosan noyabr oyining uchinchi o’n kunligida viloyatimizda o’tkazilayotgan “Adabiyot kunlari” doirasida tashkil etildi.

Bugungi uchrashuvda so’z olgan ustoz yozuvchi-shoirlar buyuk adib va mutafakkirlarimizning nodir merosi, ibratli hayoti va ijtimoiy faoliyatini har tomonlama chuqur o’rganish va targ’ib etish, yoshlarimizni o’zlikni anglash, milliy va umuminsoniy qadriyatlarga hurmat ruhida tarbiyalash, ular o’rtasida kitobxonlik madaniyatini keng ommalashtirish lozimligiga alohida urg’u berdilar. O’z ijod va hayot yo’llari haqida o’quvchilarga hikoya qilib, bugungi o’zbek adabiy jarayoni haqida atroflicha so’z yuritdilar.

Bayram tadbirida she'riyatga oshno o’quvchilar taniqli shoirlarimiz ijodidan namunalarni yod o’qishdi, o’zlarining adabiyot yo’nalishi bo’yicha qiziqtirgan savollariga javoblar olishdi.

Maktabning "Shodiyona" ashula va xor ansambli guruhi qo’shiqlari kecha fayziga yanada fayz kiritdi.

Bizni ijtimoiy tarmoqlarda kuzating
Facebook, Telegram, Facebook, YouTube