1. Bosh sahifa

BAG’DOD TUMANIDA HASHAR YO’LI BILAN 330 O’RINLI ZAMONAVIY MAKTAB BARPO ETILMOQDA

×

Bag’dod tumanining Qo’g’oli MFY hududida 330 o’ringa mo’ljallangan yangi zamonaviy maktab binosi hashar yo’li bilan barpo etilmoqda. Kecha viloyat hokimi Xayrullo Bozorov, viloyat sektorlari rahbarlari bilan ushbu ob'ektda bo’lib, qurilish ishlarining borishi bilan tanishdi.

Qishloq yoshlari shu hududdagi 30-maktab filialida boshlang’ich ta'limni olishgach, yuqori sinflarda o’qish uchun har kuni 4-5 km piyoda yo’l bosib, qo’shni qishloqdagi maktabga qatnagan. Mahalliy tadbirkorlar va mahalla ahli birlashib, 11 yillik maktab qurilishini hashar yo’li bilan amalga oshirishga kirishishgan. 

“Ochiq byudjet” axborot portali orqali fuqarolarni byudjet jarayoniga jalb qilish mexanizmining ishga tushirilishi ushbu loyihani ham amalga oshirishni tezlashtirdi. Mahalliy byudjet mablag’lari hisobidan maktab qurilishiga 900 million so’m ajratib berildi. 

Mahalla ahli hamda hashar tashabbuskorlari bilan muloqot qilgan viloyat rahbari, maktabni to’la jihozlash uchun viloyat byudjetidan yetarli mablag’ ajratib berilishini ma'lum qildi. Shuningdek viloyat hokimining ko’rsatmasi bilan o’quv muassasasiga sportzal qurib beriladigan bo’ldi. Shuningdek, maktabni suv bilan ta'minlash ham yo’lga qo’yiladi.

Joriy yil mart oyida ham tumanning chekka hududi Mehnatobod qishlog’ida 330 o’ringa mo’ljallangan yangi maktab binosi hashar yo’li bilan qurib bitkazilgandi.

Bizni ijtimoiy tarmoqlarda kuzating
Facebook, Telegram, Facebook, YouTube