1. Bosh sahifa

VILOYAT HOKIMI YOZYOVONDAGI KICHIK SANOAT ZONALARIDAGI KORXONALARNI ISHGA TUSHIRISHNI TEZLASHTIRISH BO’YICHA TOPSHIRIQ BERDI

×

Viloyat hokimi Xayrullo Bozorov Yozyovon tumanidagi o’rganishlar jarayonida tuman prokurori sektori hududidagi "Guliston-1" kichik sanoat zonasida ham bo’ldi. 

Ushbu KChZga joylashtirilgan 15 ta loyihaning umumiy qiymati 182,1 mlrd. so’m bo’lib, ular 4,5 gektar maydonni egallagan. Barcha loyihalar to’liq foydalanishga topshirilsa, 400 taga yaqin yangi ish o’rinlari yaratiladi. Viloyat hokimi loyihalar bilan tanishib, korxonalarning ish boshlashi yangi ish o’rinlari tashkil etish va aholi bandligini oshirishda muhim omil ekanini ta'kidladi. 4 ta sektor hududidagi mavjud kichik sanoat zonalarida 2021 yilning o’tgan davri mobaynida hali hanuz biror korxona foydalanishga topshirilmaganini keskin tanqid qilgan viloyat rahbari, barcha sektorlar rahbarlariga kichik sanoat zonalaridagi korxonalarni ishga tushirishni tezlashtirish bo’yicha topshiriq berdi.

Shu yerda tadbirkor Rustam Hamroqulov bir muhim tashabbusni ilgari surdi. U 100 ming tup namatak yetishtirib, 10 gektar maydonda namatak plantatsiyasini barpo etish rejasini aytdi. Shuningdek, fermerlar ham dala chetlariga namatak eksa, undan yaxshi daromad olish va eksport qilish mumkinligini qayd etib, namatak yetishtirish samaradorligini raqamlar bilan taqdim etdi. Viloyat hokimi bu taklifni qo’llab-quvvatladi va tuman rahbarlariga tadbirkorga amaliy ko’mak berish yuzasidan ko’rsatma berdi.

Bizni ijtimoiy tarmoqlarda kuzating
Facebook, Telegram, Facebook, YouTube