1. Bosh sahifa

FURQAT TUMANIDA YAQIN KUNLARDA FOYDALANISHGA TOPSHIRILADIGAN O’ZBEKISTON XALQ USTASI MUHAMMADALI YUNUSOVNING USTAXONASI QOSHIDAGI YOG’OCH O’YMAKORLIGI MARKAZIDA 1000 DAN ORTIQ YOSHLAR ISH BILAN TA'MINLANADI

×

Viloyat hokimi Xayrullo Bozorov, Furqat tumani Qo’qonboy MFY hududida “Usta Yusufjon naqqosh” oilaviy korxonasi tomonidan amalga oshirilayotgan, umumiy qiymati 7 mlrd. so’mlik “Milliy hunarmandchilik yo’nalishida yog’och o’ymakorligi” investitsiya loyihasi doirasida amalga oshirilayotgan ishlar bilan tanishdi.

Qurilish ishlari yakuniy bosqichga kirib, bahorning ilk kunlarida foydalanishga topshirilishi rejalashtirilayotgan ushbu markazda ustaning 1000 dan ziyod shogirdlari doimiy ish o’rniga ega bo’ladi. Yillik 6 milliard so’mlikdan ziyod qo’l mehnatiga asoslangan mahsulot ishlab chiqariladi. 

Usta o’ymakor Muhammadali Yunusov Samarqand shahridagi Doniyor payg’ambar maqbarasida 60 nafar ustazoda shogirdlari bilan 8 qirralik, 8 ustunlik milliy arkli ayvon, Toshkent shahridagi Hazrati Imom masjidi majmuasi ayvon ustunlari, poytaxtimizning Yunusobod dahasida Qatag’on qilinganlar xotirasiga qurilgan muzeyning ustunlarini ham o’ymakor naqshlar bilan bezagan. Poytaxtimizdagi milliy bog’da “Xalq amaliy san'ati” galereyasining aylana ayvon qismi, Samarqandning Hazrati Imom Ismoil Al-Buxoriy majmuasi ayvonlari qurilishi va yurtimizning ko’plab tuman-shaharlaridagi yog’och o’ymakorligi ishlari aynan Muhammadali Yunusovga tegishlidir.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram