1. Bosh sahifa

VILOYATIMIZDA XALQARO QISHLOQ AYOLLARI KUNI MUNOSABATI BILAN AYOLLARGA EHTIROM TADBIRLARI O’TKAZILMOQDA

×

Tadbirlarda qishloq hududlarida yashab, turli sohalarda samarali mehnat qilayotgan, farzandlar tarbiyasi bilan shug’ullanayotgan opa-singillarimizni qo’llab-quvvatlash, ularning og’irini yengil qilishga ko’maklashish, o’z hayotlaridan rozi bo’lib yashashlarini ta'minlash doimiy va eng muhim vazifalardan biri ekanligi ta'kidlanmoqda.

Bag’dod tumanidagi “Nuru dur” tantanalar saroyida tashkil etilgan bayram tadbirida ayollarga yuksak hurmat-ehtirom ko’rsatildi.

Yozyovon tumanida Xalqaro qishloq ayollari kuniga bag’ishlab o’tkazilgan bayramoldi tadbiriga paxtakor, pillakor, tadbirkor, hunarmand xotin-qizlar hamda uy bekalari taklif qilindi.

Oltiariq tumanida "Mehnatidan baxt topgan ayollar" mavzusida madaniy-ma'rifiy tadbir bo’lib o’tdi.

Qo’shtepa tumani Sohibkor mahallasidagi “Xojar ona” majmuida qishloq ayollari uchun “Mahallamiz zarlari” deb nomlangan madaniy-ma'rifiy tadbir tashkillandi.

Bayram munosabati bilan So’xlik ayollar uchun Farg’onaning diqqatga sazovor joylariga sayohatlar uyushtirildi.

Furqat tumani Mustaqillik mahallasida tashkil etilgan bayram tadbirida ayollarga har qachongidan ham ko’proq hurmat ko’rsatilgan holda turli sohalarda faoliyat ko’rsatayotgan xotin-qizlar, faxriy ayollar tadbir tashkilotchilarning e'tibor markazida bo’ldilar.

O’zbekiston tumani Sochtepa mahallasida tashkil etilgan tadbirda qishloq ayollari ulug’landi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram