1. Bosh sahifa

FARG’ONA TEKSTIL MAHSULOTLARINI GERMANIYA VA YEVROPA BOZORLARIGA OLIB CHIQISH IMKONIYATLARI KENGAYADI

×

Bugun viloyat hokimi Xayrullo Bozorov Germaniya trikotaj ishlab chikaruvchilar konfederatsiyasi (Gesamtmasche) hamda Sequa xalqaro hamkorlikni rivojlantirish tashkiloti vakillarini qabul qildi.

Uchrashuvda Farg’ona paxta-to’qimachilik sanoati mahsulotlarini Germaniya va YEvropa bozorlariga chiqish imkoniyatlarini kengaytirish, buning uchun viloyatga to’g’ridan-to’g’ri xorijiy investitsiyalarni jalb qilish masalalari muhokama qilindi.

Muloqotda O’zbekiston va Germaniya munosabatlari turli yo’nalishlarda mustahkamlanib borayotgani, xususan, Farg’ona viloyati bilan Germaniya o’rtasida hamkorlik aloqalari delegatsiyalar tashrifi doirasida yaxshi yo’lga qo’yilgani ta'kidlandi.

Germaniya trikotaj ishlab chikaruvchilar konfederatsiyasi bosh menedjeri Silvia Jangbauyer, Germaniya tomonidan moliyalashtiriladigan loyiha orqali zamonaviy texnologiyalar bilan ishlay oladigan ishchi-mutaxassislarni o’qitish, viloyatimizda ishlab chiqarilayotgan tayyor tekstil mahsulotlarini sertifikatlash, xalqaro bozorda raqobatbardoshlikni oshirish jarayonlarida uchrayotgan mavjud muammolarga yechim topishda amaliy ko’mak ko’rsatish maqsad qilinganiga e'tibor qaratdi.

Viloyat rahbari Xayrullo Bozorov taklifi bilan germaniyalik tadbirkorlarni viloyatimizga olib kelish, toladan tayyor mahsulotgacha bo’lgan zamonaviy ishlab chiqarish zanjirini shakllantirishda ular bilan hamkorlik bo’yicha chora-tadbirlarni ishlab chiqish va tez fursatlarda hamkorlik kelishuvini imzolash rejalashtirildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram