1. Bosh sahifa

XITOYNING YIRIK RONGJIANG SARMOYA GURUHI FARG’ONADA QATOR INVESTITSION LOYIHALARNI AMALGA OSHIRISHNI REJALASHTIRMOQDA

×

Viloyat hokimi Xayrullo Bozorov Xitoyning Shinjon-Uyg’ur avtonom rayonida faoliyat olib boruvchi yirik Rongjiang sarmoya guruhi rahbari Van Yue Xu boshchiligidagi delegatsiyani qabul qildi.

O’zbekistonda, xususan, Farg’ona viloyatida xorijiy investorlar uchun yaratilgan sharoitlarni yuqori baholagan Van Yue Xu, Rongjiang viloyatimiz hududida qurilish va developerlik sohasiga o’z investitsiyalarini yo’naltirishga tayyor ekanini ma'lum qildi.

Rongjiang sarmoya guruhi rahbari Xitoyning xalqaro bozorda o’z o’rniga ega qator kompaniyalari ishtirokida viloyatimizda Xitoy sanoat va xizmat ko’rsatish parki tashkil etish, Farg’ona va Xitoy o’rtasida o’zaro savdo ko’lamini kengaytirish, bu maqsadda Farg’onada Xitoy Transport-logistika markazini tashkil etish kabi loyihalarda ishtirok etish rejasini ma'lum qildi.

Barcha yo’nalishlarda hamkorlikda ish tashkil etishga kelishib olindi.

Uchrashuvda viloyat hokimining o’rinbosari Nuriddin Mamajonov va viloyat hokimining Farg’ona va Xitoy o’rtasida hamkorlikni rivojlantirish masalalari bo’yicha maslahatchisi Otaxon Xayrullayev ham ishtirok etdilar.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram