Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
OLTIARIQ TUMANIDAGI “HAMZA EXPO ART TEXTILE” PAXTA-TO’QIMACHILIK KLASTERI TOMONIDAN AMALGA OSHIRILAYOTGAN LOYIHALAR BILAN TANISHILDI
2024-09-12 23:48:05 522
Viloyat hokimi Xayrullo Bozorov viloyat sektorlari rahbarlari bilan birgalikda Oltiariq tumanidagi “Hamza Expo Art Textile” paxta-to’qimachilik klasteri tomonidan amalga oshirilayotgan loyihalar bilan tanishdi.
Mazkur klaster tomonidan paxta yetishtirishdan boshlab, tayyor mahsulot ishlab chiqarishgacha bo’lgan sanoat zanjirini yaratish ishlari olib borilmoqda. Obod MFY hududida 7 gektar maydonda mato, to’quv mahsulotlari va trikotaj mahsulotlari, kalava ip ishlab chiqarish majmuasidan iborat 40 mln. dollarlik loyiha bosqichma-bosqich ishga tushirilmoqda.
Viloyat rahbari bu yerdagi oliy sifatli kalava ip ishlab chiqarish korxonasining yakuniy ishga tushirish bilan bog’liq jarayonni ko’zdan kechirdi. Mazkur loyiha uchun 13 mln. dollar investitsiya jalb etildi hamda Germaniya, Xitoyning zamonaviy dastgohlarini o’rnatish ishlari yakunlanmoqda. Korxona yaqin kunlarda foydalanishga topshiriladi hamda bu yilgi paxta mavsumining yangi hosilini yuqori sifat bilan qayta ishlaydi. Mazkur loyiha natijasida 300 ta yangi ish o’rni yaratildi hamda klasterda ishchilar soni 1200 taga yetdi.
Shu yerning o’zida tashkil etilgan tikuv va mato ishlab chiqarish korxonasida sifatli va raqobatbardosh mahsulotlar ishlab chiqarilmoqda. Korxonaning 95 foiz mahsulotlari Polsha davlatiga eksport qilinyapti.
Viloyat rahbari yangi korxonani ishga tushirishni tezlashtirish va ish o’rinlari yaratish borasida ko’rsatmalar berdi.
Tegirmonboshi MFY hududida "UNIMAX METAL" MChJ tomonidan shurp va samarez mahsulotlari ishlab chiqarish loyihasini amalga oshirish ishlari bilan tanishildi. Loyihaning umumiy qiymati 10 mln. dollar bo’lib, 200 ta ish o’rni yaratiladi.
Viloyat rahbari tomonidan korxonani o’z vaqtida ishga tushirish, qurilish-montaj ishlarini yakunlash bilan bog’liq masalalarda mas'ullarga tegishli topshiriqlar berildi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram