Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Farg'ona viloyati investitsion salohiyati
Saytni baholash
“SOG’LOM HAYOT SARI – 5000 QADAM”
2020-10-29 17:11:08 175
Ayni kunlarda viloyatimizning barcha shahar-tumanlarida “Sog’lom hayot sari – 5000 qadam” shiori ostida ommaviy yurish marafonlari o’tkazilmoqda.
Shuni alohida ta'kidlash zarurki, marafon karantin qoidlariga to’liq amal qilingan holda tashkil etilyapti. Jumladan, Dang’ara tumanida ham tuman tibbiyot birlashmasi, jismoniy tarbiya va sport bo’limi, mahalla va oilani qo’llab-quvvatlash bo’limi, bolalar va o’smirlar sport maktabi bilan hamkorlikda aholi vakillari, yoshlar, korxona, tashkilot, muassasalar rahbarlari va xodimlari ishtirokida ommaviy yurish marafoni o’tkazildi.
Marafon tuman markazida joylashgan istirohat bog’idan boshlanib, ishtirokchilar tumanning “Muqimiy”, “Ziynat”, “Alisher Navoiy” va “Istiqlol” ko’chalari bo’ylab yurib, tuman bolalar va o’smirlar sport maktabi futbol o’yingohida ertalabki badantarbiya mashg’ulotlarini bajardilar.
Quvasoy shahrida o’tkazilgan tadbirda 1000 nafarga yaqin aholi vakillari qatnashdi. Tadbir davomida yurish marafoni, ertalabki sog’lomlashtirish va badantarbiya mashqlari, stol tennisi, erkaklar o’rtasida futbol, ayollar o’rtasida volleybol musobaqalari ham o’tkazildi.
Quva tumanida bo’lib o’tgan yurish marafoni hamda ertalabki badantarbiya mashqlarida 500 nafardan ziyod o’z salomatligiga befarq bo’lmagan turli yoshdagi hamyurtlarimiz ishtirok etdi.
Aktsiya Yozyovon va Farg’ona tumanlarida ham uyushqoqlikda o’tkazildi.
Farg’ona viloyati sog’liqni saqlash boshqarmasi axborot xizmati
