Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
BESHARIQDA YANGI TURAR-JOY BINOLARI QAD ROSTLAYDI
2020-11-07 17:34:09 160
Viloyatimiz shahar-tumanlarida kun sayin bunyodkorlik ishlari avj olmoqda. Bunga Beshariq tumani misolida ham guvoh bo’lish mumkin. Hozirda 220 ming nafardan ziyod aholi istiqomat qilayotgan hududda ehtiyoj va talablardan kelib chiqib yangi turar-joy binolari qad rostlamoqda.
Farg’ona viloyati hokimi Xayrullo Bozarov bu yerda bo’lar ekan, nuroniylar bilan kengashdi, quruvchilar bilan suhbatlashdi.
Aholi zich bo’lgan hududda turar joylarga extiyoj yuqori. Ana shularni hisobga olib, ko’p qavatli uylar bunyod etishga kirishilyapti. Viloyat rahbari mazkur uylarning loyihalari bilan yaqindan tanishib, tadbirkorlar sarmoyasini jalb etish hisobiga arzon va sifatli uylar qurish haqida tavsiyalar berdi.
Yangi qurilayotgan uylar “Dala Hamid Olimjon” mahalla fuqarolar yig’inida joylashgan. U yerda jami 10 ta 5 qavatli, shundan 2 ta 40 xonadon, 8 ta 20 xonadonga mo’ljallangan uylar quriladi. Kelgusida massivda infratuzilma ob'ektlari qurilishi rejalashtirilgan. Qulaylik tomoni shundaki, bu uylar elektr, gaz, suv, kanalizatsiya ta'minotida muammo bo’lmaydi.
- Kelgusida bunday uylarni qurishga e'tiborni kuchaytiramiz. Uy-joyga ehtiyoji bor oilalarni, yosh oilalarni ko’p qavatli uylar qurish hisobiga ta'minlaymiz, - dedi viloyat hokimi.
Mazkur hududda aholi soni ko’payib bormoqda. Shu bois, yangi mahalla fuqarolar yig’ini tashkil etilib, unga “Nurli hayot” deya nom berishga tuman mas'ullari ishtirokida kelishib olindi.
Shundan so’ng yangi binolarni qurilishiga start berildi. Kelajakda bu yerda turli ijtimoiy ob'ektlar, istirohat bog’i va boshqa aholiga xizmat ko’rsatish joylari ham barpo etilishi belgilandi. Eng muhimi bu kabi qurilishlar natijasida yoshlar, ayniqsa, umumta'lim maktablari va kasb-hunar kollejlari bitiruvchilarni ish bilan ta'minlashga erishilyapti.
Farg’ona viloyati hokimligi