Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Сайтни бахолаш
Ишонч телефонига берилган бахолар
“ИПАК ЙЎЛИ ДУРДОНАСИ” XIII ТОШКЕНТ ХАЛҚАРО КИНОФЕСТИВАЛИ ҚАТНАШЧИЛАРИ – ФАРҒОНА ВИЛОЯТИДА!
2021-09-21 15:01:20 60
Жорий йилнинг 28 сентябридан 3 октябрь кунига қадар мамлакатимиз бўйлаб ўтказилиши режалаштирилган “Ипак йўли дурдонаси” XIII Тошкент халқаро кинофестивали қатнашчилари бугун Фарғона вилоятига келишди.
Ташриф жараёнида ўзбекистонлик киноижодкорлар билан бирга кениялик кино усталари Қўқон шаҳрининг тарихий обидалари ва диққатга сазовор жойларида бўладилар.
Шунингдек, нуфузли кинофестивал доирасида Кения ва Филиппин давлатидан ҳамда пойтахт Тошкент шаҳридан келган ижодкорлар вилоятимизнинг Қўқон, Марғилон шаҳарлари ҳамда Риштон туманида “Кино 5 кунда” танлови учун “Буюк ипак йўли” мавзусида қисқа метражли фильмларни суратга оладилар. Мазкур танловда дунёнинг 22 мамлакатидан юртимизга келган ёш режиссёрлар иштирок этиши кутилмоқда. Тайёр фильмлар “Янги авлод киноси” фестивали доирасида намойиш қилинади.
Эслатиб ўтамиз, Ўзбекистон Кинематография агентлиги томонидан ташкил этилаётган “Ипак йўли дурдонаси” XIII Тошкент халқаро кинофестивали “Тинчлик, маърифат ва тараққиёт учун” шиори остида ва "Фестиваллар фестивали" форматида ташкил этилади.
Кинофестиваль давомида 13 та давлатнинг кино кунлари ўтказилиши ҳам режалаштирилган. Хусусан, Фарғонада 2 октябрь куни Ислом Каримов номидаги вилоят Театр ва концерт саройида “Қозоғистон кино кунлари”, Шарқий ҳарбий округ қўшинлари қўмондонлиги қошидаги маънавият ва маърифат марказида “Тожикистон кино кунлари” бўлиб ўтади.
Бизни ижтимоий тармоқларда кузатинг
Facebook,
Telegram,
Facebook,
YouTube