1. Бош сахифа

ФАРҒОНА ТУМАНИДА ЯНГИ ЎЗБЕКИСТОН МАССИВИ ҚУРИЛИШИ БОШЛАНДИ

×

Давлатимиз раҳбарининг 2021 йил 9 декабрь куни қабул қилинган “Янги Ўзбекистон” массивларини қуриш ва ҳудудларнинг ижтимоий-иқтисодий ривожланишини таъминлаш чора-тадбирлари тўғрисида”ги фармонлари талабларидан келиб чиқиб, Фарғона туманидаги Янги аср МФЙда 21 гектардан зиёд майдонда Янги Ўзбекистон массивини қуриш ишлари жадаллик билан бошланди. 

Вилоят ҳокими Хайрулло Бозоров, вилоят секторлари раҳбарлари билан биргаликда қурилиш ҳудудида бўлиб, қурилиш жараёни билан бирга электр, табиий газ, сув тармоқлари ва йўл инфратузилмаси барпо этиш ҳамда аҳоли учун қулай шарт-шароит яратиш ишларини ҳам тенг олиб бориш бўйича туман раҳбарларига тегишли топшириқлар берди. 

Ҳудудда 56 та кўп қаватли уйлар қурилиши режалаштирилган бўлиб, аҳоли учун қулайлик яратиш мақсадида умумтаълим мактаблари, мактабгача таълим муассасалари, маҳалла идораси, Маданият уйи, савдо шахобчалари, тиббиёт масканлари, спорт комплекси, сайлгоҳ каби турли ижтимоий объектлар қад ростлайди.

Янги Ўзбекистон массивида 7 гектар майдонда яшил ҳудуд - “Янги Ўзбекистон” боғини ташкил этиш ҳам режалаштирилган бўлиб, Хайрулло Бозоров ишларни тизимли олиб бориш юзасидан масъулларга аниқ вазифалар белгилади.

Миндонобод МФЙда эса аҳолини арзон уй-жойга бўлган эҳтиёжини таъминлаш мақсадида белгиланган дастур асосида 22 та кўп қаватли уйлар қурилиши деярли якунланиб, Янги йил байрами арафасида фойдаланишга топширилади. 13 та 5 қаватли ва 9 та 4 қаватли жами 606 та хонадондан иборат турар-жой мажмуасида амалга оширилган ишларни кўздан кечирган вилоят раҳбари, уйларнинг фасад қисмларини пардозлаш ишларига ҳам алоҳида эътибор бериш, ҳудудни ободонлаштириш, биноларнинг олд қисмига манзарали дарахт кўчатлари экиш борасида кўрсатмалар берди.

Бизни ижтимоий тармоқларда кузатинг
Facebook, Telegram, Facebook, YouTube