Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
Янги электр подстанцияси фойдаланишга топширилди
2019-11-11 08:43:35 86
Халқ хўжалигининг бирор бир соҳасини, қўйингки, ҳаётимизни электр энергиясисиз тасаввур қилиб бўлмайди. Мамлакат иқтисодиётининг ривожи, турмушимиз фаровонлиги ҳам электр энергияси билан бевосита боғлиқ. Маълумки, Президентимизнинг 2017 йил 7 августдаги “Эркин иқтисодий зоналар самарали фаолият кўрсатиши учун вазирликлар, идоралар ва жойлардаги давлат ҳокимияти органларини мувофиқлаштиришни кучайтириш ва уларнинг масъулиятини ошириш чора-тадбирлари тўғрисида”ги ҳамда Вазирлар Маҳкамасининг “Ургут”, “Ғиждувон”, “Қўқон” ва “Ҳазарасп” эркин иқтисодий зоналарининг транспорт, ишлаб чиқариш ва муҳандислик-коммуникация инфратузилмаларини жадал ривожлантиришга қаратилган қарорларига мувофиқ, “Қўқон эркин иқтисодий зонаси” фаолият кўрсатмоқда.
Қўқон эркин иқтисодий зонаси ўз ичига иккита, яъни “А” ва “В” зоналарини бирлаштирган 110/10 кВли “Қўқон ЭИЗ” подстанцияси ишга туширилиши муносабати билан ўтказилган тадбирда вилоят ҳокими Ш. М. Ғаниев, вилоят ташкилотларининг раҳбарлари ва тадбиркорлар иштирок этдилар.
Вилоят ҳокими Қўқон эркин иқтисодий зонасида фаолият кўрсатаётган тадбиркорлик субъектларини ҳамда аҳолини узлуксиз ва сифатли электр энергияси билан таъминлаш мақсадида амалга оширилган ишлар, бу борада жонбозлик ва фидойилик кўрсатган “Худудий электр тармоқлари” АЖ ҳамда “Фарғона худудий электр тармоқлари корхонаси” АЖ барча ишчи-ходим энергетикларига миннатдорчилик билдирди.
Электр подстанциясининг “А” зонасида электр таъминоти бўйича қуввати 630 кВА бўлган иккита трансформатор, 19 дона замонавий ячейка ва электр қурилмалари ўрнатилди. Тадбиркорларни узлуксиз ҳамда сифатли электр энергияси билан таъминлаш учун 2 занжирли 110 кВли узунлиги 1,1 км бўлган электр узатиш тармоқлари қурилди.
“В” зонада эса 110/10 кВли қуввати 25000 кВА бўлган иккита куч трансформаторидан иборат подстанция қурилиб, 4,2 км масофада 2 занжирли 110 кВли электр узатиш тармоқлари қурилиш-монтаж ишлари якунланди. 24 дона темир-бетон таянчлар ўрнатилиб, узунлиги 1,5 км. бўлган электр узатиш тармоқлари тортилди.
Шуни алоҳида таъкидлаб ўтиш жоизки, электр подстанциясининг ишга туширилиши нафақат эркин иқтисодий зонадаги тадбиркорлар учун, балки атроф ҳудудда яшовчи аҳоли учун ҳам катта қулайлик яратди.
Фарғона вилояти ҳокимлиги Ахборот хизмати
