1. Бош сахифа

Bosh Qomusimiz-huquq va erkinliklar kafolati

×

Farg'ona shahridagi Prezidentimizning viloyat Xalq qabulxonasi binosida “O'zbekiston Respublikasi Konstitutsiyasi fuqarolarning huquq va erkinliklari, huquqiy, demokratik jamiyat kafolati” mavzusida ilmiy-amaliy konferentsiyasi bo'lib o'tdi. Viloyat hokimligi tomonidan tashkil etilgan tadbirda oliy o'quv yurtlarining professor-o'qituvchilari, talaba-yoshlar, adliya, prokuratura xodimlari hamda jamoatchilik vakillari ishtirok etdi. Konstitutsiyamiz xalqimiz qo'lga kiritgan ulkan muvaffaqiyatlar, mamlakatimizning barqaror taraqqiyot yo'liga chiqib olishida mustahkam zamin bo'layotir. Unda inson, uning hayoti, erkinligi, sha'ni, qadr-qimmati va boshqa daxlsiz huquqlari oliy qadriyat darajasiga ko'tarilgan.

Konstitutsiyamizda belgilangan qonun ustuvorligi printsipi jamiyatimizda inson huquq va erkinliklarini ta'minlash, barcha islohotlarni samarali amalga oshirishning muhim kafolati bo'lib xizmat qilmoqda.

Anjumanda Farg'ona viloyati hokimi Shuhrat G'aniev so'zga chiqib, Bosh qomusimizning jamiyatda tutgan o'rni haqida so'z yuritib, yoshlarga uning mazmun-mohiyatini mukammal o'rganish kerakligini ta'kidladi. -Konstitutsiya fuqarolarning huquq va majburiyatlari majmuasidir, -dedi viloyat hokimi. -Uni bilib va amal qilib yashash insonning kundalik turmushi va oilaviy farovonligining kalitidir. Jamiyatda huquqiy ong va huquqiy madaniyatni yuksaltirish, xususan Konstitutsiyamizning muhim jihatlarini yoshlarimizga bolaligidan boshlab o'rgatish bugungi kunning asosiy vazifalaridan biri sanaladi. Tadbirda Konstitutsiyamizning yaratilish tarixi, uning demokratik huquqiy davlat barpo etish va inson manfaatlarini ta'minlashdagi ahamiyati, Bosh qomusimizning xalqchilligi, xalqaro huquq normalariga mosligi haqida ma'lumot berildi.

Farg'ona viloyati hokimligi Axborot xizmati