Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
ХАЙРУЛЛО БОЗОРОВ ВА МАНЗУРА САЛИМОВА ОЛИЙ МАЖЛИС СЕНАТИ АЪЗОСИ ЭТИБ САЙЛАНДИЛАР
2021-02-27 14:15:29 91
Халқ депутатлари вилоят, шаҳар ва туман кенгашларининг Олий Мажлис Сенати аъзолари сайлови бўйича қўшма мажлисида яширин овоз бериш жараёни якунланди.
Саноқ комиссиясининг ҳисоботи тингланди. Унга кўра, 2-Мирзо Улуғбек сайлов округи бўйича халқ депутатлари вилоят кенгаши депутати, вилоят ҳокими Хайрулло Бозоров, 31-Қува сайлов округи бўйича вилоят кенгаши депутати, вилоят она ва бола скрининг маркази директори Манзура Салимова Олий Мажлис Сенати аъзоси этиб сайландилар.
Депутатлар овоз бериш натижаларини тасдиқлади.
— Билдирилган катта ишонч учун миннатдорчилик билдираман. Бор кучим, ғайратим, билимим билан Фарғона вилоятига, халқимизга хизмат қилишга ваъда бераман.
Халқимизда “Ёлғиз отнинг чанги чиқмас, чанги чиқса ҳам донғи чиқмас” деган мақол бор. Бирликда, ҳамжиҳатликда иш олиб борсак, вилоятимиз аҳлини рози қиламиз, халқимиз олдида, Давлатимиз раҳбари олдида юзимиз ёруғ бўлади.
Муҳтарам Президентимиз бир неча кун олдин Фарғонага қилган ташрифлари чоғида вилоятимиз учун катта марраларни белгилаб бердилар. Бундан келиб чиқиб улкан мақсадларни режа қилганмиз. Худо хоҳласа, 2021 йил барча жабҳада Фарғона йили бўлади — деди Хайрулло Бозоров.
Олий Мажлис Сенати аъзолари сайлови бўйича қўшма мажлис ўз ишини якунлади.
Бизни ижтимоий тармоқларда кузатинг
Facebook,
Telegram,
Facebook,
YouTube
