Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
ФАРҒОНА ВИЛОЯТИДА ЎТГАН УЧ КУНЛИК “ЁШЛАР ФЕСТИВАЛИ” ЯКУНИГА ЕТДИ. “ЁШЛАР ОЙЛИГИ” ДОИРАСИДАГИ ТАДБИРЛАР ДАВОМ ЭТАДИ
2021-06-21 12:42:30 68
“Янги Ўзбекистон ёшлари, бирлашайлик!” шиори остидаги “Ёшлар фестивали” Фарғона вилоятида юқори савияда ташкил этилди.
Давлатимиз раҳбари ташаббуси билан ташкил этилаётган “Ёшлар ойлиги” доирасидаги фестивалда вилоятимиздаги ўғил-қизлар билан бир қаторда, республикамизнинг турли вилоятларидаги олий ўқув юртларидан келган 400 нафарга яқин талаба-ёшлар ҳам қатнашдилар.
Спорт тадбирлари, иқтидорли ёшларнинг ижодий ишларини намоён этувчи кўргазмалар, китобхонлик ва назм кечалари барча-барча ёшларни бир эзгу мақсад, Ўзбекистон тараққиётига хисса қўшишдек улуғ ният йўлида бирлаштирди.
Фарғона шаҳридаги вилоят театр-концерт саройи бугун Ёшлар фестивалининг яна бир катта тадбирига мезбонлик қилди.
Тадбирда сўз олган вилоят ҳокими Хайрулло Бозоров ёшларни доимо олға интилишга, юрт равнақи учун меҳнат қилишга, Янги Ўзбекистонни қуриш учун бирлашишга чорлади. Иштирокчиларни ёшлар байрами билан қутлади.
Очиқ майдонда ўтган тақдирлаш маросимида Ёшлар иттифоқи марказий кенгаши лойиҳаларида ғолибликни қўлга киритган етакчи жамоалар, истеъдодли ёшларга дипломлар ва эсдалик совғалари топширилди.
Тантанали маросимдан сўнг юртимиздаги таниқли санъаткорлар иштирокидаги концерт дастури бўлиб ўтди.
Осмонга кўтарилган ҳаво шари ҳамда мушакбозлик жараёнлари тадбирга янада ўзгача руҳ ва кўтаринки кайфият бағишлади.
Шу тариқа уч кунлик Ёшлар фестивали ўз якунига етди.
“Ёшлар ойлиги” доирасидаги тадбирлар эса вилоятимиз шаҳар ва туманлари бўйлаб давом этади.
Бизни ижтимоий тармоқларда кузатинг
Facebook,
Telegram,
Facebook,
YouTube
