Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
ФАРҒОНА ШАҲРИДАГИ “ИШГА МАРҲАМАТ” МОНОМАРКАЗИДА ЯПОНИЯЛИК МУТАХАССИСЛАР ФАРҒОНАЛИК ЁШЛАРГА IT СОҲАСИДА ТАЪЛИМ БЕРИШГА БОШЛАМОҚДА
2021-09-20 11:17:55 61
Фарғона шаҳрининг Шодиёна МФЙ ҳудудида жойлашган, банд бўлмаган аҳолига хизмат кўрсатувчи “Ишга марҳамат” мономарказида вилоят ҳокимининг ўринбосари Иқболжон Эргашев Япониянинг "Yamato IT Academy" маркази вакиллари билан учрашди.
Мулоқот чоғида асосий эътибор Фарғонада дастурчиларни кўпайтириш, иқтидорли йигит-қизларни Япониянинг турли компанияларида фаолият олиб боришларини йўлга қўйишга қаратилди. Белгиланган режага кўра, мономарказда 3 йиллик таълим жараёнида ўрганувчиларга Япон стандарти асосида дастурлаш тиллари ва япон тили пухта ўргатилади. Дастлаб 80 нафар иқтидорли ёшлар бепул ўқитилади ва шу билан бирга тўлов-шартнома асосида ҳам талабалар таълимга қабул қилинади.
D’S Grace FE LLC япон компанияси директори Дайсуке Накамуро энг яхши таълим олувчилар тест синовлари орқали имтиҳон қилиниши, ундан муваффақиятли ўтганларнинг рўйхати япон компанияларига берилиши ва уларни ишга жойлаштириш чора-тадбирлари кўрилишини таъкидлади. Яна бир эътиборли жиҳат, талабалар таълимни тезроқ ўзлаштириб боришса ва 6 ойлик синовлардан яхши ўтса ўқув дастурларини давом эттириш билан бир пайтда япон компанияларида ҳам онлайн тарзда ишлаш имконига эга бўладилар.
Вилоят ҳокими Хайрулло Бозоровнинг ташаббуси билан ушбу ўқув йўналиши учун мономарказга маҳаллий бюджет маблағлари ҳисобидан 80 та махсус компьютер ҳамда барча зарурий мебель ва бошқа жиҳозлар олиб келиниб, талабаларга қулай шарт-шароитлар яратилди.
Маълумотларга қараганда шиддат билан ривожланиб бораётган IT соҳаси мутахассисларига Японияда ҳам эҳтиёж катта ва йилига 5000 дастурчи зарур бўлмоқда. Шундан келиб чиқиб томонлар олдинда турган вазифаларни атрофлича муҳокама қилдилар.
Шу куни мономарказда IT соҳасига қизиқувчи фарғоналик ёшлар билан ҳам учрашув ташкил этилди ва ўғил-қизларга Япониянинг "Yamato IT Academy" маркази ҳақида маълумотлар берилди.
Ўқув марказига ўқувчиларни қабул қилиш жараёни давом этмоқда.
Бизни ижтимоий тармоқларда кузатинг
Facebook,
Telegram,
Facebook,
YouTube
