1. Бош сахифа

ХАЛҚАРО ИНВЕСТОРЛАР ГУРУҲИ ФАРҒОНА ВИЛОЯТИДАГИ ИСТИҚБОЛЛИ ЛОЙИҲАЛАРГА ИНВЕСТИЦИЯ КИРИТИШНИ РЕЖАЛАШТИРМОҚДА

×

Вилоят ҳокими ўринбосари Иқболжон Эргашев вилоят ҳокимлиги қабуллар уйида халқаро инвесторлар гуруҳини қабул қилди.

Даниянинг “Alliance Capital” инвестицион компанияси, Мисрнинг “Оrascom Construction” қурилиш компанияси, БААнинг “Tatweer Middle East & Africa” муҳандислик-инновацион компанияси ҳамда Германиянинг “Vitronic” корпорацияси бошқарувчиларидан иборат сармоядорлар гуруҳи Фарғона вилоятида инвесторлар учун яратилган қулай шароитлар ҳамда вилоятнинг инвестицион жозибадорлигидан келиб чиқиб, вилоятимизда яқин келажакда амалга оширилиши режалаштирилаётган янги лойиҳаларда иштирок этиш истагини билдиришди.

Вилоятнинг инвестицион салоҳияти ҳақида маълумот бериш билан бошланган учрашув давомида хорижлик инвесторлар учун Фарғона шаҳридаги Алишер Навоий кўчасида, “Тадбиркорлар уйи” ёнида қурилиши белгиланган 18 қаватли замонавий бизнес ва савдо маркази ҳамда меҳмонхона лойиҳаси (https://t.me/fvhokimligi/5780), Ал-Фарғоний ҳамда Сайлгоҳ кўчалари кесишувида жойлашган эски амфитеатр ўрнидаги IT-Park ва замонавий кутубхона, (https://t.me/fvhokimligi/5787) Фарғона шаҳри ва тумани туташган жойда, Халқаро аэропорт яқинидаги “Илғор” МФЙ ҳудудида барпо этилаётган Экошаҳар ҳамда кичик саноат ҳудуди (https://t.me/fvhokimligi/5779) лойиҳалари тақдимоти ўтказилди.

Ҳар бир лойиҳа инвесторлар томонидан алоҳида эътироф этилди. Меҳмонлар эртага ушбу лойиҳалар амалга оширилиши кўзда тутилган ҳудудларни кўздан кечириш ниятини билдиришди. Якунда танланган лойиҳага ушбу сармоядорлар гуруҳи ўз инвестицияларини йўналтиришадиган бўлди.

Бизни ижтимоий тармоқларда кузатинг
Facebook, Telegram, Facebook, YouTube