Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
МАҲАЛЛАДА ТАДБИРКОРЛИКНИ ҚЎЛЛАБ-ҚУВВАТЛАШ САМАРАЛАРИ: ДАНҒАРАДАГИ ТЕЛИМИНГ МАҲАЛЛАСИДА ТАДБИРКОР ЗАРИФЖОН ЗИЯЕВ 250 ТА ЯНГИ ИШ ЎРИНЛАРИ ЯРАТДИ
2021-12-07 23:29:36 61
Вилоят ҳокими Хайрулло Бозоров Данғара туманидаги ўрганишлари давомида Телиминг МФЙда тадбиркор Зарифжон Зияев томонидан 4 млрд. дан зиёд маблағ эвазига давлат-шериклик асосида қурилган МФЙ биноси, маиший хизмат кўрсатиш шахобчаси ҳамда ёшлар меҳнат гузари фаолияти билан танишди.
Бинода МФЙ раиси, профилактика инспектори ва ҳоким ёрдамчилари учун барча шарт-шароитлар яратилган бўлиб, улар кенг ва қулай хонада янгича услубда ишлаш тартибини йўлга қўйишган.
Вилоят раҳбари Зиё китоб дўкони фаолиятини кузатиб, энг сара, дурдона китоблар олиб келинганига эътибор қаратди. 180 ўринли тикув-тўқувчилик марказидаги иш жараёнлари билан ҳам танишди. Маҳсулотлар учун Қўқон ҳудудида катта бозор борлигини айтиб, ишлаб чиқаришни кенгайтириш ва кўпайтириш юзасидан кўрсатма берди.
Тадбиркор ташаббуси билан бу ерда савдо дўкони, автомобилларга техник хизмат кўрсатиш ва ювиш шахобчалари ҳам иш бошлаган бўлиб, жами 250 нафардан ортиқ иш ўринлари яратилганлиги Хайрулло Бозоров томонидан алоҳида эътироф этилди.
Маҳалла фаоллари билан суҳбатда вилоят ҳокими ўтган 5 йил давомида Президентимиз томонидан катта ишлар амалга оширилганлигини, сайловлар натижалари ҳам давлатимиз раҳбарига бўлган ишонч намунаси эканлигини қайд этди. Шунингдек, келгуси 5 йилга ҳам катта-катта вазифалар қўйилганлигини, маҳалла тизимида ўзгаришлар қилинаётганлигини, раҳбарлар пастга тушиб маҳаллаларда ишлаши зарурлигини таъкидлади.
Бизни ижтимоий тармоқларда кузатинг
Facebook,
Telegram,
Facebook,
YouTube
