Shrift o'lchami Rang Rasm

VIRTUAL QABULXONA

INTERAKTIV XIZMATLAR

NORMATIV XUJJATLAR

Sektorlar faoliyati

OCHIQ MA‘LUMOTLAR

ASOSIY STATISTIK AXBOROTLAR

Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
<< Iyul 2019 >>
DUSECHPAJUSHYA
1234567
891011121314
15161718192021
22232425262728
293031    

.

.

Farg'ona viloyati investitsion salohiyati

Yuridik va jismoniy shaxslar tomonidan veb sayt orqali bo'lgan murojaatlar

Jami murojaatlar: 117
Ko'rib chiqilmoqda: 92 (78.6%)
Javob berilgan: 25 (23.4%)

Saytni baholash




Yangiliklarga obuna bo'lish

Hozir saytda 84 nafar foydalanuvchi Ishonch telefoni statistikasi
Ishonch telefoniga berilgan baholar

Matnda xatolik ko'rdingizmi?

Sichqoncha bilan belgilab

Farg'onada gaz “zapravka”laridagi narxlar 1950 so'mgacha tushirilmoqda

×

 2019-01-05 12:04:04    442

PDF yuklash
Chop etish




2019 yil 1 yanvardan boshlab mamlakatimiz soliq tizimida qo'shilgan qiymat solig'ini amaliyotga kengroq tatbiq etish boshlandi. Shu bilan birga, tovarlar xarid qilinganda, ayrim savdo markazlarida mahsulotga belgilangan narx tarkibidagi QQS miqdori xarid chekida ifodalanishi ko'pchilikda xavotir uyg'otmoqda. Ya'ni, tovarlarga QQS qo'shilib, narx-navo oshib ketyaptimi? Yoki vodiyda avtomobillarga gaz quyish shoxobchalarida (“zapravka”) narxlar 300-400 so'mga oshirilgani asoslimi?

Shu kabi savollarga Farg'ona viloyat davlat soliq boshqarmasi tomonidan soliq islohotlari Kontseptsiyasi doirasida 2019 yil 1 yanvardan mamlakatimiz soliq tizimiga kiritilgan o'zgarishlar yuzasidan Farg'ona, Qo'qon va Marg'ilon shaharlari hamda Rishton, Beshariq va Uchko'prik tumanlarida  tashkil etilgan seminar-treninglarda batafsil javob berildi. Ta'kidlash joiz, tadbirlarda umumbelgilangan soliqlar to'lash tartibiga o'tayotgan hududdagi ko'plab tadbirkorlik sub'ektlari ishtirok etdi.

Seminarlarda asosiy e'tibor viloyatdagi umumbelgilangan tartibdagi soliqlar, xususan, qo'shilgan qiymat solig'i to'lash tartibiga o'tayotgan turli tarmoq (umumiy ovqatlanish, qurilish, savdo, xizmat ko'rsatish, ishlab chiqarish, audit) vakillariga soliq islohotlari natijasida yuzaga kelgan o'zgarishlar yuzasidan tushuntirish ishlari olib borishga qaratildi.

– 1 yanvardan mahsulotlar narxi 20 foizli QQS hisobiga oshdi deganlar uchun ta'kidlashim kerakki, ushbu  soliq turi mahsulot narxiga qo'shimcha ravishda qo'shilgani yo'q, u avval ham bor edi, faqat ko'pchilik e'tibor bermagan, – deydi O'zbekiston Respublikasi Davlat soliq qo'mitasi raisi o'rinbosari Mirziyod Mahkamov. – 20 foizli QQS ko'rsatilgan ijtimoiy tarmoqlarda tarqalgan cheklarga kelsak, tekshirilganda ma'lum bo'ldiki, ular dekabr oyida qayd etilgan. Yanvar oyining boshi dam olish kunlari ekanligini hisobga olsak, yangi tizim endi ishga tushyapti. Endi narx-navo osharkan deya, havotirlanishimizga hech qanday asos yo'q.

Shuningdek, 2019 yil 1 yanvardan QQSning standart 20 foizlik stavkasi hamda tadbirkorga qulaylik yaratish maqsadida  yillik tovar oboroti 1 milliarddan 3 milliardgacha bo'lganlarga soddalashtirilgan QQS tartibi joriy etilayotganligi qizg'in bahs-munozaralarga sabab bo'ldi.

– Bizning yillik tovar aylanmamiz 1,4 milliard so'm atrofida, – deydi Yozyovon tumanida faoliyat ko'rsatuvchi “Nigora Nizomova” xususiy korxonasi rahbari Muzaffar Abdullaev. – Yangi joriy etilgan tartibga ko'ra, biz yagona soliq to'lovidan umumbelgilangan tartibdagi soliqlar to'lashga o'tayapmiz. Demak, biz ham QQS to'lashimiz zarur ekan. 20 foizli stavkani eshitib dastlab, bu holat narxlar oshishiga sabab bo'lmaydimi, degan xayolga borgandim. Bugungi seminardan so'ng fikrim butunlay o'zgardi. Ya'ni, agar tovarlarni olib kelishda 20 foizlik QQS to'lovchi bilan hamkorlik qilsam, men sotayotgan tovardan QQS to'layotganimda hamkorim to'lagan QQS ham hisobga olinar ekan, shuning hisobiga narxlarda hech qanday o'zgarish kuzatilmaydi. Agar hamkorim QQS to'lovchi bo'lmasa, soddalashtirilgan QQS tartibida pasaytirilgan stavkada soliq to'lashim men uchun qulayroq  ekan.

Shuningdek, vodiyda avtomobillarga metan gaz quyish shoxobchalarida kuzatilayotgan narx oshishiga ham mutasaddilar tomonidan munosabat bildirildi.

 – Farg'onada gaz “zapravka”laridagi bosim bilan birgalikda narxlar ham 300-400 so'mga oshirildi degan xabarlarni oldik. Bunga yonilg'iga nisbatan aktsiz solig'i joriy etilganligini sabab qilib ko'rsatishayotgan ekan, – deydi Farg'ona viloyati Davlat soliq boshqarmasi boshlig'i o'rinbosari Nazirjon Polvonov. – Xabaringiz bor, 2018 yil 1 noyabrdan gaz narxi 11 so'mga oshib, 1900 so'm etib belgilangan edi. Vaholanki, 2019 yil 1 yanvardan benzin, dizel yoqilg'isi va gaz ishlatganlik uchun olinadigan soliqning o'rniga aktsiz solig'i joriy qilinishi hisobiga soliq miqdori atigi 55 so'mga oshgan. Shu munosabat bilan, biz kuni kecha viloyatimizdagi gaz “zapravka”lari rahbarlari bilan uchrashuv o'tkazdik va ularga gaz narxini asossiz oshirganliklarini batafsil tushuntirdik. Natijada, metan gaz narxlari 1950 so'mgacha tushirilmoqda.

Tadbirlarda 2019 yil 1 yanvardan boshlab mamlakatimiz soliq tizimiga kiritilgan o'zgarishlar yuzasidan barcha uchun tushunarli, sodda va ko'rgazmali shaklda tayyorlangan infografikalar soliq to'lovchilar ihtiyoriga havola etildi.

Seminarlarda 2019 yil 1 yanvardan hududiy davlat soliq inspektsiyasida QQS to'lovchilar ro'yxati shakllantirilganligi hamda har bir QQS to'lovchiga Boshqarmadan mas'ul xodim biriktirilganligi, bundan tashqari “Soliq-servis” DUKning hududiy filialari orqali istalgan savolga mutaxassislar tomnidan javob topish mumkinligi alohida qayd etildi.

Davlat soliq idoralari insofli soliq to'lovchiga istalgan paytda amaliy ko'mak berishga tayyorligi hamda bu xizmatlar bepul amalga oshirilishi ta'kidlandi.

Farg'ona viloyati Davlat soliq boshqarmasi Axborot xizmati