Shrift o'lchami Rang Rasm

VIRTUAL QABULXONA

INTERAKTIV XIZMATLAR

NORMATIV XUJJATLAR

Sektorlar faoliyati

OCHIQ MA‘LUMOTLAR

ASOSIY STATISTIK AXBOROTLAR

<< Aprel 2019 >>
DUSECHPAJUSHYA
1234567
891011121314
15161718192021
22232425262728
2930     

.

.

Farg'ona viloyati investitsion salohiyati

Yuridik va jismoniy shaxslar tomonidan veb sayt orqali bo'lgan murojaatlar

Jami murojaatlar: 117
Ko'rib chiqilmoqda: 92 (78.6%)
Javob berilgan: 25 (23.4%)

Saytni baholash




Yangiliklarga obuna bo'lish

Hozir saytda 14 nafar foydalanuvchi Ishonch telefoni statistikasi
Ishonch telefoniga berilgan baholar

Matnda xatolik ko'rdingizmi?

Sichqoncha bilan belgilab

OʻzA: Fargʻona shahridagi maʼnan eskirgan uylar qonun doirasida buzilmoqdami?

×

 2019-01-24 15:25:18    183

PDF yuklash
Chop etish


Ayni kunlarda Fargʻona shahrining Alisher Navoiy koʻchasida joylashgan 2 qavatli maʼnan eskirgan ayrim uylar va noturar bino-inshootlar buzilmoqda. Bu haqda ayrim ijtimoiy tarmoqlarda aniq dalillarga asoslanmagan, uydirmadan iborat xabarlar ham paydo boʻldi. Xoʻsh, aslida qanday, uylar qonun doirasida buzilmoqdami?

2011 yilda Fargʻona viloyati markazida aniq hisob-kitob, puxta va mukammal loyihalar, zamonaviy shaharsozlik meʼmorchiligi anʼanalari asosida bunyodkorlik ishlari boshlanganida baʼzi ogʻziga kuchi yetmaganlar ham uchragan edi. “Hammayoqni buzib tashlashdi, shahar chang-toʻzon ichida qoldi...”, “Oʻh-hoʻ, bunday ulkan ishlarni amalga oshirish uchun qancha mablagʻ, kuch-quvvat kerak!..” qabilida “qoʻshtirnoq” ichida gap tarqatganlar ham boʻldi. Bugun ular oʻsha gaplaridan xijolat chekayotgan boʻlsa ajab emas. Fargʻona koʻrkam, zamonaviy shaharga aylanib bormoqda. Uni shaharsozlik norma va qoidalari asosida qayta qurish bugun ham davom etmoqda.

Unga koʻra, shahar hokimining 2019 yil 8 yanvardagi qaroriga asosan Fargʻona shahar A.Navoiy, S.Temur va Forobiy koʻchalari kesishmasida joylashgan 2 qavatli maʼnan eskirgan ayrim turar va noturar bino- inshootlarni buzish, ularning oʻrniga pardozbop qurilish materiallaridan foydalangan holda zamonaviy loyihalar asosida yangi inshootlar qurish rejalashtirilgan.

Xoʻsh, buzilayotgan uylar yashash xavfsizligiga javob berarmidi? Aslida ular 1946-1947 yillarda qurilgan boʻlib, aksariyati xom gʻishtdan, temir beton bogʻlamalarsiz qurilgan, xonadon egalari qayta taʼmirlagan chogʻida esa arxitektura talablari chetlab oʻtilgan uylar edi.

– Ochigʻi, bir xonali eski uyimga mehmon chaqirishga ham uyalardik, qancha taʼmirlamaylik, devorlari har joy-har joyidan yorilib ketaverar edi. Kulgili boʻlsa ham aytay, kimyoviy ishlov bersak-da, xonadonlar orasidan oʻziga yoʻl ochgan suvaraklarga qarshi kurashish mushkul edi. Hozir esa men va menga oʻxshagan 72 oilaga qulay loyihada, yangi qurilgan koʻp qavatli uylardan xonadonlar berildi, – deydi Dilfuza Azimova. – Shundoqqina yonimizda turli doʻkonlar, sport maydonchalari, hatto futbol maktabi ham bor. Bolalar bogʻchasi esa tez kunda bitadi. Havosini aytmaysizmi? Uyimiz qarshisida bir necha oʻn gektarda archazor yaratilgan boʻlib, ayniqsa, ertalab sayr qilib toʻymaysan kishi.

Shuning guvohi boʻldikki, berilgan yangi uylar buzilishga tushgan eski uylarga nisbatan yashash maydoni katta. Misol uchun 2 xonali 53 kv.m boʻlgan eski uy oʻrniga yangi 3 xonali 70 kv.m boʻlgan yangi uylar ajratib berilgan.

Amaldagi qonunchilik asosida Fargʻona shahar hokimi mazkur uylar buzilishi haqida aholiga bir necha oy avval yozma ravishda ogohlantirish xati va amalga oshiriladigan obodonchilik ishlari haqida tushuntirish bergan.

– Aholini rozi qilish biz, rahbarlarning asosiy vazifamiz, – deydi Fargʻona shahar hokimi Hamidjon Habibiddinov. – Shuning uchun ham maʼnan eskirgan uyi buzilayotgan xonadonlarda yashovchilarning barcha istak-takliflarini inobatga olmoqdamiz. Koʻchirish ishlarini qonun talablari asosida qilyapmiz. Ularga taklif etilayotgan Registon koʻchasidagi koʻp qavatli uylar Fargʻona shahar xalqa yoʻlida joylashgan boʻlib, barcha sharoitlar bor.

“Kambagʻal boʻlsang, koʻchib koʻr” degan naql bor. Shuning uchun ham shahar hokimligi aholini yangi uylarga koʻchirishda amaliy yordam bermoqda. Yuk mashinalari ajratilgan, quruvchilar va koʻngillilar ularning uy jihozlarini tashishda koʻmaklashmoqda.

Ayrim saytlarda uyi buzilishga tushgan Viktor Aristov bu tashvishni koʻtarolmay, insult boʻlib, vafot etdi degan xabarlar ham berildi. 1974 yilda tugʻilgan V.Aristov 18 yanvar kuni sogʻligi yomonlashgani sababli Respublika shoshilinch tibbiy yordam ilmiy markazi Fargʻona filialiga yotqizilib, unga bosh miya qon aylanishining oʻtkir buzilishi tashxisi qoʻyilgan va koʻrsatilgan tibbiy muolajalarga qaramay, 19 yanvar kuni vafot etgan. Potologoanotomik tekshiruv xulosasiga koʻra, uning oʻlimiga surunkali bosh miya qon aylanishining oʻtkir buzilishi sabab boʻlgani aniqlangan.

Fuqaro Viktor Aristov vafot etguniga qadar Fargʻona shahar A.Navoiy koʻchasi 32-uy 7-xonadonda yashagan. Unga Registon koʻchasidagi yangi qurilgan uydan 3 xonali, yashash maydoni 70 kv.metr boʻlgan xonadon ajratilgan. Shuni ham taʼkidlash kerakki, V.Aristov 2014 yilda Jinoyat kodeksining 118, 119, 164-moddalari boʻyicha sudlangan, lekin uni amnistiya aktiga asosan jazodan ozod qilishda sud yurak xuruji tashxisi bilan bemorligini ham inobatga olgan.

Maʼlumotlarga qaraganda, buziladigan eski uylardan boʻshaydigan maydonga qariyb 100 million AQSH dollari miqdorida investitsiya yoʻnaltiriladi va bu yerda osmonoʻpar zamonaviy binolar qad rostlaydi.

Maʼsudjon Sulaymonov