Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
ШУҲРАТ ҒАНИЕВ: ШОҲИМАРДОН ЯНАДА ОБОД ВА ТУРИЗМ МАСКАНИ БЎЛАДИ
2019-10-22 10:50:51 65
Фарғона вилояти ҳокими Шуҳрат Ғаниев анклав ҳудуд - Фарғона туманининг Шоҳимардон қишлоғи аҳолиси билан мулоқотда бўлди.
Оммавий сайёр қабул ўтказилиб, унда секторлар, вилоят ташкилотлари раҳбарлари ҳудуд аҳолисининг мурожаатини ўрганди, аҳолини қийнаётган муаммолар хусусида суҳбатлашди. Қабул давомида юздан ортиқ жисмоний ва юридик шахслар иштирок этиб, улар томонидан 24 та турли мазмундаги мурожаатлар келиб тушди.
“Ёрдон” маҳалла фуқаролар йиғинида яшовчи Гавҳар Жўраевнинг мурожаати ҳам ижобий ҳал этилиб, тадбиркорлик фаолияти олиб бориш учун ер майдони бериладиган бўлди. Шунингдек, Изроби Қаюмовани мактабгача таълим муассасасини таъмирлаш ишларини якунига етказиш ҳақидаги мурожаати бўйича маҳаллий бюджетдан юз миллион сўм маблағ ажратилди. Ҳикматхон Болтаева Ёрдон маҳалласидаги қишлоқ оилавий поликлиникани тиклаш, Маҳбуба Мадалиева маданият уйи ташкил этиш, Ойбек Солиев қишлоққа банкомат ўрнатиш, Шукурулло Сотволдиев автобус қатнови ва уй меҳмонхонаси очиш учун кредит ажратиш тўғрисида мурожаат қилишди. Бу ва бошқа мурожаатларни қисқа муддатларда ижобий ҳал этиш бўйича масъул бошқарма ва ташкилотларга аниқ топшириқлар берилди.
Вазирлар Маҳкамасининг жорий йил 3 октябрда қабул қилинган “Фарғона вилоятининг туристик салоҳиятини янада ривожлантириш чора-тадбирлари тўғрисида”ги қарори асосида вилоят ҳокимлиги ҳузурида давлат муассасаси шаклидаги “Шоҳимардон” туризмни ривожлантириш дирекцияси ташкил этилди. Дирекциянинг асосий вазифаларидан бири Фарғона тумани “Шоҳимардон” ва “Ёрдон” маҳалла фуқаролар йиғинларида туризмни ривожлантириш концепциясини ишлаб чиқиш ва амалга оширилишини таъминлаш, экотуризм салоҳиятини инобатга олган ҳолда янги туризм йўналишларини ишлаб чиқишдан иборатдир.
Қабул давомида қишлоқда туризм салоҳиятини янада ривожлантириш, ободонлаштириш, аҳолининг турмуш тарзини янада яхшилаш масалалари хусусида ҳам сўз юритилди. Қиш мавсумига тайёргарлик кўриш, транспорт, соғлиқни сақлаш, мактабгача таълим, маданият соҳасидаги масалалар, шунингдек, ёшларнинг ҳар томонлама етук этиб тарбиялаш борасидаги амалга оширилиши режалаштирилаётган ишлар муҳокама этилиб, муаммоларнинг ечими бўйича тегишли топшириқ ва кўрсатмалар берилди.
Вилоят ҳокимлиги ахборот хизмати
