Shrift o'lchami Rang Rasm

VIRTUAL QABULXONA

INTERAKTIV XIZMATLAR

NORMATIV XUJJATLAR

Sektorlar faoliyati

OCHIQ MA‘LUMOTLAR

ASOSIY STATISTIK AXBOROTLAR

Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
<< Noyabr 2019 >>
DUSECHPAJUSHYA
    123
45678910
11121314151617
18192021222324
252627282930 

.

.

Farg'ona viloyati investitsion salohiyati

Ko'rib chiqilmoqda: 92 (78.6%)

Saytni baholash




Yangiliklarga obuna bo'lish

Hozir saytda 69 nafar foydalanuvchi Ishonch telefoni statistikasi
Ishonch telefoniga berilgan baholar

Matnda xatolik ko'rdingizmi?

Sichqoncha bilan belgilab

МАРКАЗИЙ ФАРҒОНА ЧЎЛИДА ЯНГИ КОРХОНА!

×

 2019-11-05 17:27:37    23

PDF yuklash
Chop etish


Уйда ўтирган аёллар, вақтинча ишсиз хотин-қизларни муносиб ҳақ тўланадиган доимий иш ўрни билан таъминлашга Фарғона вилояти ҳокимлиги устувор вазифа сифатида ёндошиб келмоқда. Бунинг учун махсус дастур тузилган, юзлаб лойиҳалар маъқулланган. Улардан бири ҳар бир туманда енгил конструкцияли тикув-трикотаж корхоналари ташкил этишдир. Фақатгина шу йўл билан 4,5 минг нафар аёллар бандлиги таъминланиши режалаштирилган.

Бугун, 5 ноябрь куни Ёзёвон туманининг энг чекка ҳудудлари сирасига кирувчи “Тошҳовуз” маҳалла фуқаролар йиғинида “Yozyovon baraka chevarlari” масъулияти чекланган жамияти ўз фаолиятини бошлади.

Корхонанинг очилиш маросимида Фарғона вилояти ҳокими Шуҳрат Ғаниев иштирок этиб, аёлларнинг бандлигини таъминлаш орқали уларга тўлақонли турмуш шароити яратиб бериш муҳим аҳамиятга эга эканлигини таъкидлади.

“Ўзбекпахтасаноат” акциядорлик жамияти томонидан бунёд этилган янги корхонада ишлаш учун 130 та янги иш ўрни яратилди. Мазкур корхонани қурилиши учун 1 миллиард 700 миллион сўм маблағ сарфланиб, Хитойдан тикув машиналари олиб келиб ўрнатилди.

- Белгиланган режага кўра, жорий йилда вилоятнинг 7 та ҳамда 2020 йилда 8 та туманида шу каби тикувчилик корхоналари ишга туширилади, - дейди “Farg’ona baraka chevarlari” масъулияти чекланган жамияти раҳбари Давронбек Жўрабоев. – Ҳозирда Риштон тумани ҳамда Фарғона туманининг Шоҳимардон қишлоғида лойиҳаларимиз амалга оширилиб, кўплаб хотин-қизларнинг бандлигини таъминлашга эришилди. Таъкидлаш жоизки, мазкур корхоналарга ногиронлиги бор хотин-қизлар ҳам ишга жалб этилади. Улар  имкониятига яраша меҳнат қилсаларда, бир йил давомида белгиланган тартиб ва миқдордаги иш ҳақи тўланади.

Корхона иш бошлаган ҳудудда янгиланган намунавий лойиҳалар асосида арзон уй-жойлар қад ростлаб, обод массивга айланяпти. Янги уй-жойларга кўчиб ўтган аёлларни иш билан таъминлашда  бу лойиҳанинг ўрни катта. Мазкур корхонада “Тошҳовуз” ва “Такалик” маҳалла фуқаролар йиғинида яшовчи хотин-қизлар ишли бўлиб, уларнинг сафида 10 нафар ногиронлиги бўлган шахслар ҳам бор. Бу ерда меҳнат қилаётган 34 нафар хотин-қизлар тикувчилик касбига қайта тайёрланди.

“Жасорат” медали соҳиби, 2-гуруҳ ногирони Нодира Аҳмадалиеванинг ҳам орзуси ушалди. У яқинда “Тошҳовуз” мавзесидаги янги уйга кўчиб ўтганди. Бугун эса ўзининг севган касби – тикувчилик бўйича ҳам ишли бўлди.

Янги корхонадаги кийим-кечакларнинг ўз буюртмачиси бор. Шунингдек, ёзёвонлик қўли гул чеварлар томонидан тайёрланадиган кенг ассортиментдаги маҳсулотлар қўшни давлатларга экспорт қилиниши ҳам режалаштирилмоқда.

Фарғона вилояти ҳокими Ш.Ғаниев корхонанинг тантанали очилиш маросимидан сўнг маҳалла аҳолиси, оқсоқолу онахонлар билан самимий суҳбатлашди. Улар давлатимиз раҳбарининг халққа кўрсатаётган ғамхўрлигидан миннатдор бўлиб, дуо қилдилар.