Shrift o'lchami Rang Rasm

Telegramm Youtube

VIRTUAL QABULXONA

INTERAKTIV XIZMATLAR

NORMATIV XUJJATLAR

Sektorlar faoliyati

OCHIQ MA‘LUMOTLAR

ASOSIY STATISTIK AXBOROTLAR

Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
<< Iyul 2020 >>
DUSECHPAJUSHYA
  12345
6789101112
13141516171819
20212223242526
2728293031  

.

.

Farg'ona viloyati investitsion salohiyati

Saytni baholash




Yangiliklarga obuna bo'lish

Hozir saytda 50 nafar foydalanuvchi Ishonch telefoni statistikasi
Ishonch telefoniga berilgan baholar

Matnda xatolik ko'rdingizmi?

Sichqoncha bilan belgilab

XALQ ROZILIGI YO’LIDA...

×

 2020-06-02 19:20:55    316

PDF yuklash
Chop etish


To’laligicha Qirg’iziston hududi bilan o’ralgan So’x tumanining o’ziga xos muammolari bo’lgan. Ilgarilari oziq-ovqat, yoqilg’i, qurilish materiallarini So’xga va So’xda yetishtirilgan qishloq xo’jalik hamda bog’dorchilik mahsulotlarini “katta yer”ga yetkazishda ham muammolar yetarlicha edi. Avvalo, chegara, bojxona va Qirg’iziston hududidan o’tiladigan 50 chaqirimlik yo’lda uchraydigan “boshog’riq”lar So’xda ijtimoiy-iqtisodiy islohotlarni amalga oshirish sur'atlariga hamisha salbiy ta'sir ko’rsatib kelgan. O’zbekiston Respublikasi Prezidenti Sh. Mirziyoyev bundan 3 yil avvval mamlakat taraqqiyot strategiyasini belgilaganida qo’shni mamlakatlar bilan yaqin aloqalarni qayta tiklash, hamjihatlikda tinch-totuv yashash siyosatini butun dunyoga baralla e'lon qilgandi.

Bugun So’xda bo’lgan kishi u O’zbekistonning barcha islohotlar to’laqonli amalga oshirilayotgan hududi ekaniga amin bo’ladi. Aholi So’xdan Farg’onaga kelishda yoki aksincha, farg’onaliklarning So’xga borishida chegara bilan bog’liq muammolar butunlay hal etildi. Masalan, bugun birgina “Vodil” chegara postidan bir kecha-kunduzda 10 mingga yaqin odam har ikki tomonga bemalol o’tmoqda.

Farg’ona viloyati hokimi Sh. G’aniyevning ish kuni tartibida bir oyda kamida bir marta So’xda fuqarolarning sayyor qabulini o’tkazish, viloyat tashkilotlari rahbarlari bilan birga eng chet qishloq va mahallalar aholisi bilan uchrashish rejalashtirilgan. Noyabr oyining ilk kunida ana shunday tadbirlarning biri bo’lib o’tdi.

So’x tumani markazi Farg’onadan 120 km uzoqlikda bo’lsa, “G’aznov” mahalla fuqarolar yig’ini So’xdan daryo yoqalab va tog’lararo boriladigan yo’l bilan 35 chaqirim uzoqlikda. Bu yerda 551 ta xonadon bo’lib, ularda 3165 nafar aholi yashaydi. G’aznovliklar bilan muloqot biron bir majlislar zalida emas, ko’cha bo’ylab ahvol bilan tanishish davomida amalga oshirildi. Viloyat hokimi xonadonlarga kirib, odamlarning turmush sharoiti, gaz, ichimlik suvi, elektr, oziq-ovqat ta'minoti ahvoli bilan qiziqdi. Garchi, mahalla ahli hokimga biron bir muammoli masala qo’ymagan bo’lsa-da, hokim bu yerda ko’rganlaridan xulosa chiqarib, viloyat gaz ta'minoti idorasi rahbariga qishning sovuq kunlari xonadonlarga berilayotgan gaz bosimini ko’tarish, viloyat yo’l qurilishi idorasi rahbariga esa mahallaning markaziy ko’chasini asfalt qilish haqida topshiriq berdi.

G’aznov mahalla fuqarolar yig’inida 2016 yildan buyon birorta ham jinoyat sodir etilmagan ekan. Bu yerdagi odamlarning ahil va qonunga rioya etib yashash tajribasini ommalashtirish tavsiya etildi.

Navbatdagi uchrashuv “Sohibkor” mahalla fuqarolar yig’inida bo’ldi.

–2018 yilda qishlog’imizga kelganingizda shifoxona yoki poliklinika qurilishi haqidagi masalani ko’targan edim, – deydi mehnat faxriysi Hamroli Haydarov. – U tez kunlarda qurib bitkazildi va bizning uzog’imiz yaqin bo’ldi. Ayniqsa, ayollar oilaviy poliklinika faoliyatidan mamnunlar. Lekin yana bir iltimosimiz bor. Mahallamizda 200 nafar maktabgacha yoshdagi bolalar bo’lib, ularga ta'lim muassasasi yo’q. Shu masalada...

Viloyat hokimi Hamroli akaning so’zini bo’lib, moliya, qurilish, maktabgacha ta'lim boshqarmalari boshliqlari bilan kichik maslahatlashuv o’tkazdida:

–Kelasi yil Sohibkor mahallasida, albatta, bog’cha qurilib, faoliyat boshlaydi. Uni namunaviy loyiha asosida bunyod etishga 1.1 mlrd so’m mablag’ ajratishni viloyat byudjet ko’rsatkichlariga kiritamiz, – dedi.

Mahalla ahli quvonchini ichiga yashira olmay qo’lini duoga ochdi.



“Devayron” mahalla fuqarolar yig’inidagi uchrashuvda asalarichi tadbirkor, mehnat faxriysi Asalbek Murtozobekov qishloqda gaz ta'minoti  qoniqarli ekanini aytib, yaqinda qo’shimcha 2800 metr ichimlik suvi quvurlari tortilganidan minnatdorligini bildirdi.

Yoshi to’qsonni quvib borgan “Sarikanda” mahalla fuqarolar yig’inida istiqomat qiluvchi Sirojiddin Madaminov mana 11 yildirki bir joyda yotadi. Uning xolidan xabar olish uchun viloyat hokimi Sh. G’aniyevning bemor xonadoniga to’satdan kirib kelishi Sirojiddin otani hayajonlantirib yubordi. Ko’ziga yosh olib, duoga qo’l ochdi.

Sirojiddin Madaminov 62 yil davomida haydovchilik kasbini ulug’ladi. Uni har bir so’xlik yaxshi taniydi va hurmat qiladi.

–Sizga shu bugunoq akkumlyatorli, tugmachalar bilan boshqariladigan aravacha keltirib beriladi. Unda istagan hamqishloqlaringiz, do’stlaringiz oldiga o’zingiz borishingiz imkoni bo’ladi, – dedi hokim otaxonga sihat-salomatlik tilab.


Tashqarida viloyat rahbarini yuzlab sarikandaliklar o’rab oldilar. Ular amalga oshirilgan obodonlik, yangi qurilgan xizmat ko’rsatish tarmoqlari, mukammal ta'mirlangan maktab va mahalla ahli uchun keltirilgan sovg’a-salomlar uchun minnatdorchilik bildirdilar. Shu yerda 4-maktab o’quvchilari bilan bo’lgan suhbat chog’ida 9-sinf o’quvchisi Samandar Erkinjonov sinflarda o’quvchilar soni belgilangan me'yorlardan ko’pligini aytib, yangi o’quv binosi qurib berilishini so’radi. Bu masala ham mutasaddilarning kichik maslahatlashuvidan so’ng hal bo’ldi. Hokim 2020 yil yangi o’quv yili boshlanadigan kunga qadar 300 o’quvchi o’rniga ega zamonaviy o’quv binosi qurib berishni va'da qildi.

Qirg’izistonning Botkent viloyati hududiga kirib borgan So’xning yana bir chet qishlog’i Hushyordir. Uning tabiati o’ziga xos bo’lib, qirlar oralig’idan So’x daryosining irmoqlari boshlanadi. Uchrashuv chog’ida ana shu qirlarda 50 gektar pistazor yaratilishi, har bir xonadonga undan 10 sotixdan ajratib berilishi, ko’chatlar Farg’onada ekishga tayyorlab qo’yilgani e'lon qilindi. Viloyat gaz ta'minoti idorasi rahbari 10 noyabr kuniga qadar qishloqqa tabiiy gaz ulanishini aytdi.

13-maktabning jismoniy tarbiya o’qituvchisi Ravshan Masharipov qishloqda futbol maydoni tashkil etish taklifi bilan chiqdi. Shu kuniyoq 2 ta mini futbol maydoniga yer ajratish haqida tuman hokimining qarori chiqarildi.

So’xning ta'lim tojik tilida olib boriladigan 14-maktabidagi uchrashuv ham g’oyat qiziqarli o’tdi. Dastlab viloyat rahbari tarix fanidan mashg’ulot o’tayotgan 9-sinf o’quvchilarini “imtihon” qildi va ularning bilimiga yuqori baho berdi. Eng bilimdon o’quvchi Moxjabid Xumordinova va boshqa o’quvchilarga kitoblar jamlanmasi, fan o’qituvchisiga esa televizor sovg’a qilindi.

Viloyat rahbarining avtomashinasi to’satdan peshtoqiga “Qishloq madaniyat uyi” deb yozilgan bino oldida to’xtadi. U bino ahvoli bilan tanishdi, xodimlar bilan suhbatlashdi. Xulosa shunday bo’ldiki, kelasi yil qishloq madaniyat uyi ta'mirlanadi, uning tarkibida kutubxona va san'at yo’nalishlari bo’yicha to’garaklar ochiladi.

“Qizil Qiyoq” qishloq fuqarolar yig’inida 2018-2019 yillarda birorta oilada ajrim ro’y bermagan. Qishloq aholisi bilan bo’lgan uchrashuvda viloyat rahbari bunday natijani munosib baholadi va 10 mln so’m miqdorida mukofot puli ajratdi.

Ha, darvoqe, bugun So’xdagi kam ta'minlangan, oilasida bemori va fidoiylik bilan mehnat qilgan faxriylari bo’lgan 2179 ta xonadonga bepul yuqori navli un tarqatildi.



Sayyor qabul, uchrashuvlar chog’i so’xliklar davlat rahbari olib borayotgan siyosat va islohotlarni sidqidildan qo’llab-quvvatlashlarini takror va takror izhor etdilar. Ko’rsatilayotgan g’amxo’rlik vsa e'tibor uchun minnatdorchilik bildirdilar.


Fargʻona viloyati hokimligi Аxborot xizmati
FacebookTelegramVeb saytYouTube