Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
РАҚАМЛИ ТЕХНОЛОГИЯЛАР МАРКАЗИ - ЗАМОН ТАЛАБИ АСОСИДА
2020-06-08 17:17:18 273
Бугун ёшларимиз орасида рақамли технологияларга қизиқиш кучли. Аслида замон талаби ҳам шу. Ахборот-коммуникациялардан яхши хабардор киши янги –янги инновацион ғоялар устида изланади, янгиликдан чўчимайди.
Президентимиз томонидан ёшлар маънавиятини юксалтириш ва уларнинг бўш вақтини мазмунли ташкил этиш бўйича белгилаб берилган 5 та муҳим ташаббуснинг учинчиси аҳоли ва ёшлар ўртасида компьютер технологиялари ва интернетдан самарали фойдаланишни ташкил этишга қаратилган.
Фарғона вилоятида ҳам мазкур йўналишда аниқ тадбирлар белгиланган бўлиб, унинг ижроси таъминланмоқда. Марғилон шаҳрида янги қуриб, фойдаланишга топширилган Рақамли технологиялар маркази ана шулардан биридир.
Марказнинг очилиш маросими катта шодиёнага айланди. Унда Фарғона вилояти ҳокими Шуҳрат Ғаниев қатнашиб, марказ вилоят ёшларини ахборот технологиялари соҳасида тадбиркорлик фаолиятига кенг жалб қилиш, замонавий билим ва кўникмаларини бериш ҳамда шу йўл билан уларни даромадини оширишга хизмат қилиши билан аҳамиятга эга эканлигини таъкидлади.
2,5 гектар майдонни эгаллаган замонавий марказнинг бунёд этишга маҳаллий бюджетдан 14 миллиард сўм маблағ сарф этилди. Марказ рақамли технологиялар ва иқтисодиёт бўйича ягона марказлашган комплекс тизим яратиш ҳамда хизматлар тақдим этишга қаратилгани билан аҳамиятлидир.
Бу ерда электрон ахборот ресурс маркази, 60 ўринли анжуманлар зали, музокаралар хонаси, видеостудия бўлиб, ёшларга ахборот технологиялари ва электрон тижорат соҳасида инновацион тадбиркорлик асосларини ўргатиш, ахборот технологиялари соҳасида стартап лойиҳаларни қўллаб-қувватлашнинг замонавий ҳамда самарали механизмларини яратиш, компьютер технологиялари, дастурлаш, робототехника ва киберспорт асосларини ўргатиш учун барча шароитлар яратилган. Хусусан, дастурлаш, мобиль илова, веб дизайн, робототехника, киберспорт, стартап маркази, фрилансерлар мактаби, дизайн каби йўналишларда фаолият олиб борилади.
-Марказ фаолиятини йўлга қўйишда Россия Федерациясининг Перм шаҳридаги “Morion digital” технопарки ва Кореянинг тажрибаси ўрганилган, -дейди Тошкент ахборот технологиялари университетининг Фарғона филиали директори ўринбосари Баҳром Жалилов.- Шунингдек, бу ерда ёшлар ўртасида рақамли кўникмаларни шакллантириш, “Бир миллион дастурчи” лойиҳасини амалга ошириш учун ҳам барча имкониятлар яратилган. Ёшлар, тадбиркорлар ва ҳунар ўрганиш истагидаги бўлганлар марказимизда ахборот технологияларини ўзлаштириб, дастурий маҳсулотлар яратиши ҳам мумкин. Шу билан биргаликда вилоятдаги ташкилотлар билан ҳамкорликда соҳада иш олиб борамиз.
Марказда йил давомида 2 мингдан ортиқ мутахассисларни тайёрлаш имконияти бор.
Фарғона вилояти ҳокимлиги Ахборот хизмати
