Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Сайтни бахолаш
Ишонч телефонига берилган бахолар
СЎХДА 6 МИНГДАН ОРТИҚ АҲОЛИНИНГ БАНДЛИГИ ТАЪМИНЛАНАДИ
2020-06-11 15:48:37 76
Сўх туманидаги асосий муаммолардан бири ишсизликдир. Аксарият аҳоли Россия Федерацияси ва бошқа давлатларда ишлаб, даромад топарди. Пандемия туфайли кўплаб сўхликлар жорий йилда хорижга ишга бора олмади. Айни кунларда уларнинг бандлигини таъминлаш ва янги иш ўринлари яратишга алоҳида эътибор қаратиляпти. Тумандаги 6 минг 845 нафар ишсиз, банд бўлмаган фуқароларни вилоят бошқармалари томонидан ишга жойлаштириш кўзда тутилган.
Равон қишлоғидаги академик лицейда ташкил этилган меҳнат ярмаркасида 28 та ташкилот ва корхоналар ёшлар учун бўш иш ўринларини таклиф қилди. Офтобру қишлоғида яшовчи Шоҳзамон Маъруфжонов ҳуқуқшунослик коллежини тамомлаган. Ярмаркада у туман пенсия жамғармасига ишга жойлашадиган бўлди.
- Туманимиздаги педагогика коллежини тамомлаганман, - дейди Қалъача қишлоғилик Санохон Хўжаева. - Ўзимнинг мутахассислигим бўйича туман болалар ва ўсмирлар спорт мактабига ишга йўлланма олдим.
Вилоят ташкилот ва бошқармаларидан келган вакиллар ҳар бир бўш иш ўрни бўйича зарур маслаҳатлар берди. Кўплаб ёшлар ўзлари мақбул топган ишга жойлашадиган бўлди.
ЎзА мухбирлари билан ҳамкорликда тайёрланди
Фарғона вилояти ҳокимлиги Ахборот хизмати
Facebook, Telegram, Веб сайт, YouTube