Shrift o'lchami Rang Rasm

Telegramm Youtube

VIRTUAL QABULXONA

INTERAKTIV XIZMATLAR

NORMATIV XUJJATLAR

Sektorlar faoliyati

OCHIQ MA‘LUMOTLAR

ASOSIY STATISTIK AXBOROTLAR

Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
<< Iyul 2020 >>
DUSECHPAJUSHYA
  12345
6789101112
13141516171819
20212223242526
2728293031  

.

.

Farg'ona viloyati investitsion salohiyati

Saytni baholash




Yangiliklarga obuna bo'lish

Hozir saytda 60 nafar foydalanuvchi Ishonch telefoni statistikasi
Ishonch telefoniga berilgan baholar

Matnda xatolik ko'rdingizmi?

Sichqoncha bilan belgilab

FUQARO MUROJAATI - XALQ BILAN MULOQOTNING MUHIM OMILI

×

 2020-06-29 15:37:47    35

PDF yuklash
Chop etish



Bugun bir ibora deyarli barchaga yod bo’lib ketdi: “Xalq davlat organlariga emas, balki davlat organlari xalqqa xizmat qilishi kerak”.

Mamlakat Prezidentining joriy yilning 24 yanvardagi O’zbekiston Respublikasi Oliy Majlisiga Murojaatnomasida ta'kidlab o’tilgan bu talab  barcha darajadagi rahbarlarning fuqarolar murojaatlarni ko’rib chiqish va ijobiy hal etishdagi shaxsiy mas'uliyati va javobgarligini oshirishda muhim qadam bo’ldi, desak mubolag’a bo’lmaydi.

Zero, O’zbekiston Respublikasi Konstitutsiyasining 35-moddasida har bir shaxs bevosita o’zi va boshqalar bilan birgalikda vakolatli davlat organlariga, muassasalariga yoki xalq vakillariga ariza, taklif va shikoyatlar bilan murojaat qilish huquqi mustahkamlab qo’yilgan.

Ushbu talablar O’zbekiston Respublikasining 2017 yil 11 sentyabrdagi “Jismoniy va yuridik shaxslarning murojaatlari to’g’risidagi qonuniga o’zgartish va qo’shimchalar kiritish to’g’risida”gi qonunida yanada o’z aksini topdi.

Qonun va qabul qilinayotgan qaror va Farmoyishlar uning ijrosi bilan kuchli. Viloyat hokimi Sh.G’aniyev rahbarligida viloyat hokimligiga kelib tushgan murojaatlarni xolisona har tomonlama va o’z vaqtida tekshirish, shikoyatga sabab bo’lgan noqonuniy, g’ayrihuquqiy xatti-harakatlarning oldini olish yuzasidan shoshilinch chora-tadbirlar ko’rish, qoidabuzarliklarga olib kelgan sabablarni aniqlash borasida tizimli ishlar tashkil etilgan.

Eng avvalo, viloyat hokimi tomonidan O’zbekiston Respublikasi Prezidentining Xalq qabulxonalarida o’tayotgan qabullar davomida aholi tomonidan ko’tarilgan hamda Virtual qabulxonaga aholidan tushgan muammolarni ijobiy yechimini ta'minlash choralari ko’riladi. 2017-2018 yillari murojaatlarning 50 foizdan ortig’i uy-joy va moddiy yordam masalalari tashkil etayotganligini hisobga olib, barcha shaharlarda bo’sh turgan binolar qayta rekonstruktsiya qilinib, oilaviy yotoqxonalarga aylantirildi. Uy-joyga o’ta muxtojligi va nogironligi bor 670 ta oilalarga beminnat topshirildi. Bundan tashqari, viloyatdagi 782 ta extiyojmand oilalar arzon uy-joylar bilan ta'minlandi va oilalarni moddiy qo’llab-quvvatlash borasida ham ijobiy ishlar qilindi.

 Xalqning ichiga kirib borish maqsadida  viloyat hokimi sektor a'zolarining uyma-uy yurish va aholi bilan uchrashuvlari asosida xududlarni rivojlantirish bo’yicha “Yo’l xaritalari” ishlab chiqilib, uni hayotga tadbiq etish chora-tadbirlari belgilab olindi.

Bu boradagi amaliy ishlar ko’lamini kengaytirish maqsadida Xalq deputatlari sessiyalarida hisobot berish tizimi, hokimlar o’rinbosarlarining murojaatlarni ijobiy hal etish bo’yicha reytingi joriy etilib, ularning murojaatlar bilan ishlash borasidagi faoliyati baholanib borilmoqda.

Fuqarolarning huquqiy bilimlarini oshirish ham asosiy masalalardan biridir. Shahar, tuman hokimliklarining sohaga mas'ul xodimlari, MFY rais va maslahatchilari ishtirokida o’tkazilgan 4 ta hududiy o’quvlar davomida  jismoniy va yuridik shaxslarning murojaat etish borasidagi huquqiy savodxonligini oshirishga alohida e'tibor qaratilyapti. MFY faollari o’z hududlarida yashovchi fuqarolar bilan qaysi masalalar bo’yicha qanday davlat idoralariga murojaat etish haqida davra suhbatlarini  o’tkazdilar. Bu o’z o’rnida fuqarolarning murojaat etish borasidagi dunyoqarashlarini ijobiy tomonga  o’zgartirdi.

Shunday hollar ham bo’ladiki, takroriy murojaatlarni qayta ijro uchun ijrochilarga qaytarishga to’g’ri keladi. Bunda kommunal infrastrukturani rivojlantirish borasida tushgan murojaatlar umumlashtirilib, taaluqli boshqarmalarga viloyat hokimligi rahbarlari tomonidan imzolangan topshiriq xati bilan manzilli Dasturlarga qo’shish uchun yuborish, murojaatlarda qo’yilgan qonuniy talablarni bajarmagan mansabdor shaxslarni javobgarlikka tortish kabi choralar qo’llanildi.

 Mehnat uning natijasi bilan baholanadi. Bu borada olib borilgan ishlar natijasida keyingi 2 yil mobaynida O’zbekiston Respublikasi Prezidentining Virtual qabulxonasiga Farg’ona viloyati aholisidan tushayotgan murojaatlarning 2 baravarga kamayishiga erishildi.

Jumladan, 2020 yil 5 oyi davomida viloyat hokimligiga barcha manbaalar orqali  7535 ta murojaatlar kelib tushdi. Shundan viloyat hokimligining o’ziga 1414 ta murojaatlar tushib, bu o’tgan yilning shu davriga nisbatan 1028 taga kamaygan.

Ushbu murojaatlardan 1231 tasi yozma va 183 tasi og’zaki murojaatlardir.

Ayniqsa, O’zbekiston Respublikasi Prezidentining tegishli qarorlari asosida tashkil etilgan O’zbekiston Respublikasi Prezidentining Xalq Qabulxonalari va Virtual qabulxonalari qisqa davr mobaynida aholining murojaat etishi va muammolarining yechimi uchun asosiy ishonchli manbaalarga aylanib ulgurdi.

Viloyat hokimligiga O’zbekiston Respublikasi Prezidentining Virtual va Xalq kabulxonalari orqali 2019 yilning 5 oyida 9 ming 172 ta murojaat kelib tushgan bo’lsa, 2020 yilning shu davrida ushbu ko’rsatgich 6 ming 121 tani tashkil etib, 3 ming 51 taga kamayishiga erishildi

 Viloyat hokimining 2019 yil davomida Xalq qabulxonalarida o’tayotgan qabullarida 2000 dan ziyod  jismoniy va yuridik shaxslarning vakillari qabul qilinib, ular tomonidan bildirilgan ariza va shikoyatlar ko’rib chiqilishi va 53 foizini ijobiy hal etilishi ta'minlandi.

Joriy yilda murojaatlarni ijobiy hal etish darajasi sud tizimida

8,6 foiz oliy va o’rta-maxsus ta'lim tizimida 9,2 foiz, moliya sohasida 9,9 foiz, viloyat va tumanlar hokimliklari tizimida 12,0 foiz, prokuratura tizimida 16,2foiz  bandlik va mehnat munosabatlari sohasida 20,7 foizni tashkil etmoqda.

  O’zbekiston Respublikasi Prezidentining Oliy Majlisga qilgan murojaatnomasida ham “Endi davlat idoralari rahbarlari va hokimlarning ushbu murojaatlarni qay darajada hal etayotgani bo’yicha hisobotini xalq deputatlari kengashlarida muntazam eshitish tizimi yo’lga qo’yiladi”, deb ta'kidladilar. Demak endilikda har bir rahbarning fuqarolar qonuniy talablarini ijobiy hal etganlik darajasi uning faoliyat mezoni bo’lib hisoblanadi.

Albatta, O’zbekiston Respublikasi Prezidentining Virtual qabulxonasiga tushgan murojaatlarni qanoatlantirish darajasi 54,2 foizni tashkil etib, respublikadagi viloyatlar ichida salmoqli o’rindamiz. Bu borada viloyatning Davlat kadastr boshqarmasi, TMEK, Suvoqava, elektr tarmoqlari korxonasi, Xalq ta'limi, viloyat ma'naviyat va ma'rifat markazi kabi boshqarmalari rahbarlari faoliyatini alohida ta'kidlash joiz.

 Shu jumladan viloyat hokimi Sh.G’aniyevning Halq qabulxonalarida o’tkazilayotgan qabullari, Farg’ona shahar, Quva, O’zbekiston, Qo’shtepa, Uchko’prik tumanlarida o’tgan sayyor qabullari davomida tushgan 150 dan ziyod murojaatlardan 55 foizdan ortig’ining ijobiy hal etilishi qabulga keluvchilarning xursandchiligiga sabab bo’ldi.

 Jumladan, joriy yilda viloyat hokimiga uy-joy masalasida Marg’ilon shahar, To’ralar ko’chasi 1-a uyda yashovchi Munojaat Xolmatovaning murojaati viloyat hokimligi ishchi guruhi tomonidan atroflicha o’rganib chiqilib, 2 xonali uy-joy bilan ta'minlandi. Shuningdek, viloyatdagi 10 nafardan ziyod taniqli san'atkorlar, shoir va yozuvchilarning ijod bilan shug’ullanishlari uchun ijodiy muhit yaratib berish maqsadida viloyat hokimi tashabbusi bilan uy-joy bilan ta'minlandi.

  Shuningdek, Qo’qon shahar, To’ron ko’chasi 36- uy, 31-xonadonda yashovchi So’piyevlar oilasi moddiy qiyinchilikka uchrayotganligi to’g’risidagi og’zaki murojaati viloyat hokimligi tomonidan joyida ko’rib chiqilishi natijasida oilaning 3 nafar a'zosi - Farrux So’piyev, Nozimjon So’piyev, Gulmira So’piyevalar ish bilan ta'minlanishdi.

Viloyat hokimining 2020 yil 12 fevral kuni o’tgan qabullari davomida 12 nafar fuqarolar ishga joylashish, 4 nafar fuqarolarning uy-joyga taaluqli masalalari ijobiy hal etilgan bo’lsa, 5 nafar fuqaroning kredit mablag’i bo’yicha, mehnat nizolari bo’yicha muaamolari hal etildi. Jumladan, Farg’ona shahar, Oybek ko’chasida yashovchi Feruza Iminova, Navro’z ko’chasi 161-uyda yashovchi Muhammadjon A'zamov, M.Shayxzoda ko’chasi, 77-uy, 9-xonadonda yashovchi Muhammadjon Iskandarov, Belova ko’chasi 147-uyda yashovchi Muattarxon Qodirovaning farzandi Farg’ona shahridagi tashkilotlarga, Rishton tumani, Mezon ko’chasi, 18-uyda yashovchi A.Tojiboyev tumandagi 40-sonli maktabga o’qituvchi etib ishga joylashtirildi.

 Shuningdek, Farg’ona shahar, Sharshara ko’chasi, 75–uyda yashovchi Nodirbek Ahmedovning uyini kadastr hujjatlarini rasmiylashtirishga amaliy yordam berish to’g’risidagi murojaatiga asosan uning uy-joyi hujjatlari o’rganib chiqildi va kadastr hujjati taqdim etildi.

  Quva tumanida o’tkazilgan sayyor qabullar davomida ham aholidan tushgan 30 yaqin muammolardan 65 foizi ijobiy hal etildi.

Jumladan, Quva tumani, Qayqubod ko’chasi, 233-uyda yashovchi Yuriy Lapshinning yer maydoniga egalik huquqini berish to’g’risida murojaati bir necha yillardan buyon o’z yechimini topmayotgandi. O’zbekiston Respublikasi Prezidenti Virtual qabulxonasiga qilgan murojaati asosida  u viloyat hokimining qabuliga taklif etildi, qabul jarayonida huquqshunoslar ishtirokida  o’rganilib, yashab turgan uyi qonuniy hujjatlashtirilib berildi.

Shuningdek, viloyat hokimining O’zbekiston tumani aholisi bilan  o’tkazgan sayyor qabullarida bank kreditlari bo’yicha murojaatlar tushgan bo’lsa, ularning barchasi ijobiy hal etilishiga erishildi. Tumanning Xamroqulov ko’chasi 110-uyda yashovchi K.Komilovaga, “Kichik Oqmachit” ko’chasi

40-uyda yashovchi U.Mahmudovga, “Mevazor” ko’chasida yashovchi S.Ibrohimovlarning har birlariga qo’ychilikni rivojlantirish uchun 30 mln so’mdan, ayni damda Farg’ona shahar, Terakzor ko’chasi, 95-uyda yashovchi A.Azizovga   tadbirkorlikni rivojlantirish uchun 5 mln so’m imtiyozli kreditlar ajratilishi ta'minlandi.

 Bunday tadbirlar viloyatning Qo’shtepa, Uchko’prik tumanlarida ham o’tkazilib, aholini qiynab kelayotgan muammolarning barham topishiga erishildi.

Pandemiya davrida viloyatimizni “yashil” hududga o’tkazilishi munosabati bilan 2020 yilning iyun oyidan boshlab viloyat hokimining aholi bilan qabullari davom etmoqda.

Ana shunday uchrashuvlardan biri Farg’ona tumanida bo’lib o’tdi. Unda “Yangichek” ko’chasida yashovchi Anvarjon Raximovning oilaviy sharoiti o’rganib chiqilib, uning qizini davolanishi uchun 8 mln. so’m homiylik mablag’lari ajratildi. Fuqaro Tursunali Dadajonovga qabul jarayonining o’zida eshitish moslamasi, fuqaro Xosiyatxon Cho’jayevaning onasi uchun nogironlik aravachalari yetkazib berildi. Viloyat hokimi Sh.M.G’aniyev tomonidan bu kabi qabullar rejali asosda davom ettirilmoqda.

 Viloyat hokimligining qabulxonasiga qilingan murojaatlar, viloyat hokimining “Ishonch”telefoniga Jismoniy va yuridik shaxslardan kelib tushgan murojaatlarni ham atroflicha ko’rib chiqish ishlari ham doimo diqqat e'tiborimizda bo’lib turibdi. Chunonchi,  “Ishonch” telefoniga tushgan Qo’qon shahar, Xo’qandiy ko’chasi 26-a uyda yashovchi K.Turliqulovaning, Dalachilik ko’chasi, 77-uyda yashovchi M.No’'monovaning, Oltiariq tumani, Povulg’on qishlog’i, Uzumchi ko’chasi 76-uyda yashovchi Q.To’xtayevning ichimlik suvi masalasidagi og’zaki murojaatlari o’z o’rnida ijobiy hal etildi. Bunday misollarni yana ko’plab keltirishimiz mumkin.

Xalqning koriga yarash, ularga kamarbasta bo’lish demokratik jamiyatning asosiy tamoyillaridan biridir. Maqsadimiz esa bitta -  xalqimizni rozi qilish, jamiyatimizning har bir fuqarosi farovon turmush tarziga ega bo’lishida olib borilayotgan islohotlarning faol ishtirokchisi bo’lishdan iborat.


M.Axunjanova,

Viloyat hokimligi bo’lim mudiri.

FacebookTelegramVeb saytYouTube