Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
ФАРҒОНА ВИЛОЯТИ ҲОКИМИ Ш.ҒАНИЕВГА
2020-07-01 18:29:58 73
Ҳурматли Шуҳрат Мадаминович!
Сизни, Фарғона вилоятининг фермер хўжаликлари, кластерлар раҳбарларини, сувчи, агроном ва механизаторларини ғалла етиштириш бўйича зиммаларига олган мажбуриятларини ортиғи билан адо этганлиги муносабати билан самимий муборакбод этаман.
Халқимиз дастурхони тўкинлиги гарови – улкан ризқ-рўз хирмонининг яратилишида кунларни тунга улаб, она заминга ўз меҳрини бахшида этган заҳматкаш деҳқонларнинг меҳнати ҳар қанча эъзоз ва таҳсинга лойиқдир.
Зеро, бу йилги мураккаб об-ҳаво шароити, ёғингарчилик, кучли шамол баъзи ҳудудларда табиий офатлар рўй бериши ва пандемия шароитига қарамасдан бой тажриба тўплаган ғаллакорларимиз омилкорлик билан агротехник тадбирларни ўз вақтида бажариб, ўтган йилдагидан ҳам улкан хирмон уйдилар.
Президентимиз раҳбарлигида амалга оширилаётган ислоҳотлар натижасида ер ўзининг ҳақиқий эгасини топиб, фермерлик ҳаракати қишлоқларимиз тараққиётида ҳал қилувчи куч бўлиб майдонга чиқди. Далада ишлайдиган ҳар бир одамда ўз меҳнатидан манфаатдорлик ҳисси кучайиб, келажакка ишончи янада мустаҳкам бўлмоқда.
Мана шундай шукуҳли айёмда ғалла етиштирган фермерларимизни юксак меҳнат ғалабаси билан яна бир бор табриклаб, Фарғона вилояти Сизнинг раҳбарлигингизда барча соҳаларда илғорлар сафида бўлишига тилакдошмиз.
Бу борада Сизни Кенгашимиз ва фермерларимиз яқиндан қўллаб-қувватлайди.
А.Хаитов,
Ўзбекистон фермер, деҳқон хўжаликлари ва томорқа ер эгалари кенгаши раиси
Фарғона вилояти ҳокимлиги Ахборот хизмати.
