Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
МЎЙНАЛИ МАТО КЕРАКМИ? ФАРҒОНАГА КЕЛИНГ!
2020-08-13 20:51:44 56
Қўқон эркин иқтисодий зонаси таркибидаги “ММА Камтар Бегойим” МЧЖ мўйнали мато ишлаб чиқаришни йўлга қўйди.
- Хитойдан 350 минг долларга технологик ускуналар сотиб олдик ва созлаш-ўрнатиш ишларини тугаллаб маҳсулот чиқара бошладик, - дейди тадбиркор Исроилжон Абдуллаев. – Бу аввало яна 40 та янги ишчи ўрни дегани.
Сунъий мўйнали мато шу пайтга қадар мамлакатимизга импорт қилинар эди. Унга пойафзал, мебел саноатида эҳтиёж катта. Энди у Фарғона вилоятидан етказиб берилади.
- Биз ўнлаб пойафзал корхоналари ва яқин хорижий мамлакат тадбиркорлари билан экспорт шартномаларини туздик, - дейди Исроилжон Абдуллаев. – Шу йилнинг ўзида жами 1 млн АҚШ доллари миқдорида экспорт қилмоқчимиз.
Фарғона вилояти ҳокими Шуҳрат Ғаниев янги маҳсулот ишлаб чиқариш йўлга қўйилиши муносабати билан унинг тантанали очилиш тадбирида иштирок этди.
- Биз бу каби тадбиркорни бошимизга кўтарамиз, уни ҳар жиҳатдан қўллаб-қувватлаймиз, - деди вилоят раҳбари.
“ММА Камтар Бегойим” МЧЖ яқин келажакда мўйнали матодан ёпқич (одеял) ишлаб чиқармоқчи.
Шуҳрат Ғаниев карантин қоидаларига риоя қилган ҳолда фаолият кўрсатаётган корхона ишчилари билан суҳбатлашди.
- Қўқон эркин иқтисодий зонаси туфайли яратилган имтиёзлардан фойдаланган корхонамиз йилдан-йилга кенгайиб, иқтисодий жиҳатдан мустаҳкамланмоқда, - деди ишчи Манзурахон Отахонова. – Шу ҳудуддаги ҳар бир оиладан икки, хатто уч нафар одам шу ерда ишламоқда. Бундай шароит яратиб берган Президентимизга раҳмат.
Фарғона вилояти ҳокимлиги Ахборот хизмати
