Shrift o'lchami Rang Rasm

Telegramm Youtube

VIRTUAL QABULXONA

INTERAKTIV XIZMATLAR

NORMATIV XUJJATLAR

Sektorlar faoliyati

OCHIQ MA‘LUMOTLAR

ASOSIY STATISTIK AXBOROTLAR

Farg'ona viloyati hokimi
Xayrullo Xayitbayevich Bozarov

Ijtimoiy tarmoqlar

Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
<< Dekabr 2020 >>
DUSECHPAJUSHYA
 123456
78910111213
14151617181920
21222324252627
28293031   

.

.

Farg'ona viloyati investitsion salohiyati

Saytni baholash




Yangiliklarga obuna bo'lish

Hozir saytda 35 nafar foydalanuvchi Ishonch telefoni statistikasi
Ishonch telefoniga berilgan baholar


SO’X VA SHOHIMARDON DOIMO PREZIDENTIMIZNING E'TIBORIDA

×

 2020-11-17 21:21:16    72

PDF yuklash
Chop etish


Bugun joylardagi islohotlar vaqtni ham shoshirib qo’yayotgani rost. Xususan, anklav hududda joylashgan So’x tumanida bo’lgan kishi bunga yaqqol guvoh bo’ladi. Davlatimiz rahbarining joriy yil 8 avgustda qabul qilingan “2020-2021 yillarda Farg’ona viloyatining So’x tumanini kompleks ijtimoiy-iqtisodiy rivojlantirish chora-tadbirlari to’g’risida”gi qarori asosida yillar davomida yig’ilib qolgan muammolar bosqichma-bosqich ijobiy yechimini topmoqda.

Qisqa vaqt mobaynida tumanda keng ko’lamdagi obodonlashtirish, bunyodkorlik, yo’l qurilishi, hududlarni muhandislik-kommunikatsiya tarmoqlari bilan ta'minlash hamda aholining turmush darajasini yaxshilash borasida amaliy ishlar olib borildi. O’z navbatida, kichik sanoat zonalarini tashkil etish, sanoat salohiyatini oshirish va tadbirkorlikni qo’llab-quvvatlash orqali taraqqiyotning yangi bosqichiga qadam tashlanmoqda.

Qaror asosida tasdiqlangan 2020-2021 yillarda So’x tumanini kompleks ijtimoiy-iqtisodiy rivojlantirish chora-tadbirlari dasturi asosida 5 ta yo’nalishdagi keng qamrovli ishlarning ijrosiga alohida e'tibor qaratilyapti. Mahallalarda elektr ta'minoti yaxshilanyapti, ichimlik suvi tarmog’ini tortish, asfalt yotqizish ishlari davom etmoqda. Aholining bandligini ta'minlash, ijtimoiy soha ob'ektlarini moddiy-texnik bazasini yaxshilash borasida ham salmoqli ishlar qilinyapti.

Hozirda ko’mir konini o’zlashtirish, intensiv pista va bodom bog’i tashkil etish, gips mahsulotlarini qayta ishlash kabi yo’nalishlarda investitsiya loyihalari ishlab chiqildi. Kelgusi yilda 65,2 milliard so’mlik ana shunday yirik ishlab chiqarish tarmoqlarini ishga tushirish ko’zda tutilmoqda.

Farg’ona viloyati hokimi Xayrullo Bozarovning tumanni kompleks ijtimoiy-iqtisodiy rivojlantirish chora-tadbirlari manzilli dasturiga kiritilgan loyihalar ijrosi bilan tanishuvi “Chashma” mahalla fuqarolar yig’inida tadbirkorlar, quruvchilar, aholi vakillari bilan uchrashuvdan boshlandi.

Chashma bulog’i atrofida ro’y bergan tartibsizliklar vaqtida 3 ta oilaning uyi talafot ko’rgan edi. Ayni kunlarda bu oilalar uchun yangi uylar qurilmoqda. Viloyat rahbari quruvchilarga xalqimiz mentalitetidan kelib chiqib, bu uylarda yashovchilar uchun zarur qulayliklarni yaratish bo’yicha ko’rsatmalar berdi. Mazkur yig’in hududida "Tarix" ko’prigi barpo etilayotgan bo’lib, unga 2 milliard so’mlikdan ortiq mablag’ ajratilgan. Viloyat rahbari bu qurilishni ham ko’zdan kechirdi. “Zangat” mahalla fuqarolar yig’inidagi 10-sonli maktabgacha ta'lim tashkilotida bo’lib, bolajonlar uchun yaratilgan sharoitlar bilan tanishildi.

Mahalla ezgu qadriyatlar maskani sifatida aholining eng yaqin ko’makchisiga aylanmoqda. Ayni kunlarda tumanda 11 ta mahalla fuqarolar yig’ini uchun davlat –xususiy sheriklik asosida xizmat xonalari qurilyapti. 4 ta mahalla binosi viloyat mahalliy byudjeti mablag’lari hisobidan qad rostlamoqda.

Viloyat hokimi “Chumoqcha” va “Sarikanda” mahalla fuqarolar yig’inida bo’lib, yangi bunyod etilgan ma'muriy binodagi sharoitlar bilan tanishdi. Xususan, Sarikanda mahallasida bugungi kunda 3 ming 500 dan ziyod aholi istiqomat qiladi. Tadbirkor Ikromjon Safoyev tomonidan davlat-xususiy sheriklik asosida yangi mahalla binosi qurib berildi. Bu yerda xodimlar uchun barcha sharoitlar yaratilgan. Viloyat hokimligi tomonidan tumandagi 27 ta mahalla fuqarolar yig’iniga kompyuter jamlanmalari topshirildi hamda ular mebel va boshqa jihozlar bilan to’liq ta'minlanadi.

"Saribozorcha" mahalla fuqarolar yig’inida barpo etilgan 29-umumta'lim maktabining ochilish marosimi katta shodiyonaga aylandi. Mazkur maktab "Mirzaqurbon" mas'uliyati cheklangan jamiyati tomonidan 5 milliard so’mlikdan ortiq mablag’ evaziga qurildi. Bu yerda o’quvchilarning zamonaviy bilim o’rganishlari uchun barcha sharoitlar yaratilgan. Viloyat rahbari mamlakatimizda ta'lim-tarbiya sohasidagi islohotlarga to’xtalib, mazkur yangi bilim maskani bilan barchani qutladi. Maktab jamoasiga kitoblar sovg’a qilindi.

So’x o’zining qadamjolari bilan ham mashhur. Hazrat Ali, Mahmud G’aznaviy, Toshoyna, Mozorbuva kabi ziyoratgohlar doimo aholi bilan gavjum. Viloyat hokimi "Hazrat Ali" ziyoratgohida nuroniy otaxonlar bilan suhbatlashdi. Shu yerda kam ta'minlangan oilalarning uch nafar farzandi uchun o’tkazilayotgan xayriya sunnat to’yida ishtirok etib, to’y bolalarni tabrikladi, ularga viloyat hokimligining sovg’a-salomlarini hamda bank muassasasida ular nomiga ochilgan omonat daftarchalarini topshirdi.

Bugun so’xliklar Prezidentimizning yuksak e'tiborini his etib yashashmoqda. Ayniqsa, ehtiyojmand oilalarga manzilli ko’mak ko’rsatib kelinyapti. Pandemiya davrida bu xayrli ishlarning ko’lami yanada ortdi. Bu gal ham 2,5 milliard so’mlik oziq-ovqat mahsulotlari ortilgan “Mehr-saxovat” karvoni ikki mingdan ortiq oilalarni behad quvontirdi.

Viloyat hokimining so’xlik quruvchilar bilan uchrashuvi ochiq muloqot tarzida o’tdi. Alohida massiv tanlanib, 10 ta ko’p qavatli turar joylar qurilishi bo’yicha takliflar o’rtaga tashlandi. Bu borada mutasaddilarga tegishli ko’rsatmalar berildi.

Shu yerda viloyatdagi tegishli tashkilot va boshqarma rahbarlari ishtirokida “2020-2021 yillarda Farg’ona viloyatining So’x tumanini kompleks ijtimoiy-iqtisodiy rivojlantirish chora-tadbirlari to’g’risida”gi qarorining ijrosi tahlil qilindi. Unda belgilab berilgan vazifalarni o’z vaqtida sifatli amalga oshirish bo’yicha topshiriqlar berildi.

Viloyat hokimi boshchiligidagi sektor rahbarlari Farg’ona tumani Shohimardon qishlog’ida ham bo’lib, Hazrat Ali maqbarasini ziyorat qildi, Hamza Hakimzoda Niyoziy muzeyi bilan tanishdi. “Shohimardon” va “Yordon” mahalla fuqarolar yig’inlari faollari, jamoatchilik vakillari bilan uchrashdi. Samimiy muloqot chog’ida mazkur qishloqlarni kompleks ijtimoiy-iqtisodiy rivojlantirish, obodonlashtirish yuzasidan manzilli rejalar xususida so’z yuritildi.