1. Bosh sahifa

QO’SHTEPA TUMANIDA YO’LLAR TA'MIRLANMOQDA

×

Joriy yil Qo’shtepa tumanida “Obod qishloq” va “Ichki yo’l” dasturi bo’yicha jami 57.32 km yo’llarni ta'mirlash rejalashtirilgan bo’lib, 24.06 km asfaltlash hamda 32.26 km shag’allashtirish ishlarini bajarish ko’zda tutilgan.

Qo’shtepa tumani yo’llardan foydalanish unitar korxonasi tomonidan mahalliy ahamiyatdagi avtomobil yo’llarida joriy ta'mirlash ishlari olib borilib, 2021 yilning 1-2-choragida 1,08 mlrd. so’mlik ta'mirlash ishlari bajarildi.

Viloyat hokimining tuman, shaharlarda bo’sh turgan (foydalanilmayotgan) avtobekatlarni qurish va ta'mirlash, ularni “Aqlli bekat”larga aylantirish tashabbuskor tadbirkor yoshlarga berish manzilli dasturiga asosan 16 ta avtobekatlarda qurilish-ta'mirlash ishlari olib borilmoqda.

Bundan tashqari, O’zbekiston Respublikasi Prezidentining 2021 yil 2 apreldagi PQ-5048-sonli qaroriga muvofiq “Obod qishloq” va “Obod mahalla” dasturi doirasida tumanning ichki xo’jalik yo’llarini joriy ta'mirlash dasturi doirasida 32.5 km tuproq yo’llarni shag’allashtirish rejasiga asosan hozirgi kunda 24.5 km ichki yo’llar shag’allashtirildi. 

Shuningdek, tuman markazining 1 km qismidagi yo’l qoplamasini yangilash, avtoturargoh qurish, yo’l chetida piyodalar va vilosiped uchun alohida yo’lakchalar tashkil etish, yo’l chetining ikki tomoniga yo’l latogi o’rnatish va boshqa obodonlashtirish ishlari amalga oshiriladi.

Qo’shtepa tumani hokimligi

Bizni ijtimoiy tarmoqlarda kuzating
Facebook, Telegram, Facebook, YouTube