1. Bosh sahifa

PREZIDENT FARMOYISHI BILAN MINNATDORCHILIK BILDIRILGAN FARG’ONALIK TADBIRKORLARNING BIR GURUHIGA DAVLATIMIZ RAHBARI IMZOLAGAN MINNATDORCHILIK YORLIQLARI TOPSHIRILDI

×

Birozdan so’ng boshlanadigan Prezident Shavkat Mirziyoyevning tadbirkorlar bilan ochiq muloqoti oldidan farg’onalik tadbirkorlarning bir guruhiga Davlatimiz rahbarining minnatdorchilik yorliqlari topshirildi.

O’zbekiston Respublikasi Prezidentining “Mamlakatda ishbilarmonlik muhitini rivojlantirishga munosib hissa qo’shib kelayotgan tadbirkorlarning bir guruhiga minnatdorchilik bildirish to’g’risida”gi farmoyishi bilan minnatdorchilik bildirilgan yurtimiz tadbirkorlari qatoridan viloyat hokimligida yorliqlari topshirilgan “Farg’ona Yasin qurilish mollari” MChJ rahbari Syuy Deming, “Albus tsement grup” MChJ rahbari Abduvaqqos Yaqubov, “Star metal” MChJ rahbari Adham Yuldashev, “Hamza eskpo art tekstil” xususiy korxonasi rahbari G’ayrat Qosimov hamda “Narimteks” MChJ O’zbek-Xitoy qo’shma korxonasi rahbari Nargiza Aminova, shuningdek minnatdorchilik yorliqlari Toshkentda taqdim qilinishi ko’zda tutilgan “Fergana global textile” MChJ rahbari Muminjon Razakov, “Nurli tong-silk” MChJ rahbari Maqsudjon Kasimov, “Kokand bicycles” MChJ rahbari Muxsin Abduraximov, “Uz-segang” MChJ qo’shma korxonasi rahbari Xurshid Normatov, “Paradise garden fruits” ishlab chiqarish kooperativi rahbari Adxamjon Abduraxmonov o’rin oldilar.

Viloyat hokimligi qabullar uyida viloyat hokimi Xayrullo Bozorov va viloyat sektorlari rahbarlari iqtisodiyotimizning ravnaq topishi va yurtimiz barqaror rivojlanishi, ishbilarmonlik muhitini yaxshilash, respublikaning eksport salohiyatini oshirish, yangi ish o’rinlarini yaratish, byudjet barqarorligini ta'minlash hamda aholini ijtimoiy qo’llab-quvvatlashda munosib hissa qo’shib kelayotgan faol tadbirkorlarning 5 nafariga O’zbekiston Prezidenti imzosi bilan yo’llangan minnatdorchilik yorliqlarini tantanali topshirishdi.

Bizni ijtimoiy tarmoqlarda kuzating
Facebook, Telegram, Facebook, YouTube