![](https://fergana.uz/uploads/sdfsdfsdfsdfsdfsdafsfdasdf.jpg)
Farg'ona viloyati hokimi
Hayrullo Hayitbayevich Bozarov
![](https://fergana.uz/images/img/flag-gerb.gif)
.
.
Saytni baholash
SO’XDA BARPO ETILAYOTGAN YANGI AEROPORTDA QURILISH ISHLARI YAKUNLANDI. YAQIN KUNLARDA SINOV UCHISHLARI AMALGA OSHIRILADI
![](https://fergana.uz/uploads/bot/fe9650f63823ca2ec466c.jpg)
2021-10-16 09:17:06 220
Viloyat hokimi Xayrullo Bozorov, So’x tumaniga tashrifi doirasida tumanda qurilish ishlari yakunlanayotgan yangi aeroport bilan tanishdi.
So’x tumanining Navobod mahalla fuqarolar yig’ini hududida jadal sur'atlar bilan barpo etilgan aerodrom maydoni yetti gektar bo’lib, uzunligi yetti yuz metrni tashkil etadi.
Qurilish ishlari uchun davlat byudjetidan olti milliard sakkiz yuz million so’m mablag’ ajratilib, uchish maydonchasi, kutish zali, ovqatlanish shaxobchasi, savdo nuqtasi, dam olish joylarini o’zida qamrab oladigan zamonaviy majmua tashkil etilmoqda. Yaqin kunlarda sinov uchishlari amalga oshirilishi ko’zda tutilgan.
Aeroport qurilishi 2020 yil 8 avgustdagi “2020-2021 yillarda Farg’ona viloyatining So’x tumanini kompleks ijtimoiy-iqtisodiy rivojlantirish chora-tadbirlari to’g’risida”gi Prezident qarori ijrosi doirasida amalga oshirildi.
Viloyat hokimi aeroport uchish yo’laklari, kutish va xizmat ko’rsatish zalida amalga oshirilgan ishlarni ko’zdan kechirdi. So’nggi ishlarni yakuniga yetkazishni tezlashtirish bo’yicha tegishli ko’rsatlmalar berdi.
Xayrullo Bozorov shu yerning o’zida viloyat hududiy elektr tarmoqlari, Farg’ona suv ta'minoti, viloyat Hududgaz ta'minoti korxonalari, viloyat avtomobil yo’llari hududiy boshqarmasi hamda tuman hokimi Sayidbahrom Sayidmusayev ishtirokida tumanda ushbu sohalarda joriy yilda amalga oshirilishi belgilangan ishlarning borishi yuzasidan muhokama o’tkazdi. Mas'ullarga o’z yo’nalishlarida belgilangan vazifalarni muddatida va sifatli amalga oshirilishini ta'minlash yuzasidan qat'iy topshiriq berildi.
![](https://telegra.ph/file/fe9650f63823ca2ec466c.jpg)
![](https://telegra.ph/file/0e39bc645ab4b5bd91de0.jpg)
![](https://telegra.ph/file/a17efcb17d1156f411768.jpg)
![](https://telegra.ph/file/0d09bc5431881761332ff.jpg)
![](https://telegra.ph/file/0de2aed3e9fe384a4a2a7.jpg)
![](https://telegra.ph/file/3d56084d718dbbacd6be1.jpg)
Bizni ijtimoiy tarmoqlarda kuzating
Facebook,
Telegram,
Facebook,
YouTube