1. Bosh sahifa

FARG’ONADA EKSPORT QILUVCHI KOMPANIYALAR UCHUN MINTAQAVIY TRENING: GERMANIYA BOZORIGA EKSPORTNI AMALGA OSHIRISH ISTIQBOLLARI MUHOKAMA QILINDI

×

Bugun Farg’ona shahridagi “Aziya Fergana” mehmonxonasida viloyat hokimligi va Investitsiyalar va tashqi savdo vazirligi hamkorligida mahalliy eksportchi korxonalar uchun trening tashkil etildi.

Birlashgan Millatlar Tashkiloti Taraqqiyot dasturining “O’zbekistonda savdoni rivojlantirishni qo’llab-quvvatlash” loyihasi doirasida tashkil etilgan tadbirda tashqi bozorlarga chiqish uchun marketing strategiyalarini ishlab chiqish, mahsulotlar eksportini rag’batlantirish usullari bilan tanishtirish, tashqi bozorlarni o’rganishning zamonaviy vositalaridan foydalanish, elektron tijoratdan foydalangan holda eksportni kengaytirish, xaridorlarga mahsulot yetkazib berishning samarali logistikasini yo’lga qo’yish kabi yo’nalishlarda ekspertlar mashg’ulotlar olib borishdi.

Shuningdek, Germaniyaga importni qo’llab-quvvatlash agentligi vakili Patrik Yung agentlikning tashqi bozorlardagi faoliyati, Germaniya bozoriga eksportni amalga oshirish istiqbollari haqida ma'lumot berdi.

Trening mashg’ulotlari bozor tanlash, xalqaro ko’rgazmalarda muvaffaqiyatli ishtirok etish, samarali logistika va eksport uchun mahsulot yetkazib berishni tashkil etish kabi mavzularda kunning ikkinchi yarmida ham davom etmoqda.

Bizni ijtimoiy tarmoqlarda kuzating
Facebook, Telegram, Facebook, YouTube