Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
FARG’ONA TUMANIDA MAHALLA AYOLLARI TAYYORLAYOTGAN QO’G’IRCHOQLAR “AMAZON” ONLAYN SAVDO PLATFORMASIDA SOTILMOQDA
2021-12-14 15:04:17 128
Viloyat hokimi Xayrullo Bozorov Farg’ona tumanidagi o’rganishlar doirasida “Sadosh” brendi ostida qo’g’irchoqlar tayyorlashni yo’lga qo’ygan tadbirkor Sadoqatxon Mirzayeva faoliyati bilan tanishdi.
Kashtachilik, quroqchilik, qo’g’irchoq va o’yinchoqlar to’qish sir-sinoatlarini yaxshi egallagan Sadoqatxon Mirzayeva mahalladagi ishsiz ayollarni ham jalb qilgan holda qo’l mehnati bilan qo’g’irchoq tayyorlashga kirishganiga ko’p bo’lgani yo’q. Biroq hozirdanoq mahsulotlarga xorijda ham katta talab paydo bo’lib, “Amazon” xalqaro onlayn savdo platformasida kunlik 3-4 ming dona qo’g’irchoq sotilmoqda. Tadbirkor tomonidan qo’g’irchoqlarni qo’shni respublikalar, BAA, AQSh davlatlariga eksport qilish ham rejalashtirilgan. Buning uchun 2022 yilning birinchi choragida qiymati 1 mlrd. so’m bo’lgan loyiha amalga oshirilib, qishloqda kooperatsiya tashkil etiladi va 250 ta yangi ish o’rinlari yaratiladi. Kooperatsiyaning yillik ishlab chiqarish hajmi 3 mlrd. so’mga yetishi ko’zda tutilgan.
Tadbirkor kuni kecha Shohimardonsoy MFYdagi bo’sh turgan binoda ish boshladi va kooperatsiya faoliyatini yo’lga qo’yish uchun bu dastlabki qadam bo’ldi. Bu yerda milliy hamda zamonaviy uslubda kashtachilik, quroqchilik, qo’g’irchoq va o’yinchoqlar to’qish yo’lga qo’yilmoqda. Ekoturuzm rivojlantiriladi. Ayni kunda 30 nafar xotin-qizlar bandligi ta'minlandi. E'tiborlisi, ustoz-shogird an'analari asosida yiliga 400 nafar ayol-qizlar hunarmand-usta bo’lib yetishishadi.
Viloyat hokimi bilan muloqotda tadbirkor 1 mlrd. so’m subsidiya olishda ko’mak so’radi. Masalani ijobiy hal qilish uchun mutasaddilarga topshiriq berildi.
Keyingi manzilda “Rivoj 98” xususiy korxonasi tomonidan qurilgan yangi mehmonxona bilan tanishildi.
Tadbirkor Muhamadali Mamadaliyev 5 qavatli mehmonxona qurilishiga 5 mlrd. so’m mablag’ sarfladi. 100 o’ringa mo’ljallangan mehmonxona 2 oy ichida ishga tushishi rejalashtirilgan.
Bizni ijtimoiy tarmoqlarda kuzating
Facebook,
Telegram,
Facebook,
YouTube