1. Bosh sahifa

FURQAT TUMANI DUNYOGA OCHILMOQDA: TUMANDA ILK ZAMONAVIY MEHMON UYI FOYDALANISHGA TOPSHIRILDI, INFORMATSION TEXNOLOGIYALAR VA YAPON TILI SOHASIDA YOSHLARGA TA'LIM BERISH MARKAZI ISH BOSHLADI

×

Viloyat hokimi Xayrullo Bozorov, Furqat tumanida turli sohalarda amalga oshirilayotgan yangi loyihalar bilan tanishish jarayonida Istiqlol mahalla fuqarolar yig’inida tadbirkor Zafarjon Bektoshev tomonidan barpo etilgan, umumiy loyiha qiymati 3 mlrd.so’m bo’lgan muhtasham oilaviy mehmon uyini ham ko’zdan kechirdi. Tumandagi ilk mehmonxona sifatida faoliyat boshlagan bu maskanda bir vaqtning o’zida 24 nafar mehmonga xizmat ko’rsatish imkoniyati mavjud. Viloyat hokimi mehmon uyi xizmatlari sifatini oshirish bo’yicha tadbirkorga o’z tavsiyalarini berdi.

Xayrullo Bozorov, shuningdek, tumanning Chirkay mahalla fuqarolar yig’inida “Zarafshon Uchiyama System” MChJ QK rahbari, yaponiyalik tadbirkor Junichi Sugimoto hamda tuman hokimligi qo’shma tashabbusi bilan yoshlarga informatsion texnologiyalar va yapon tili sohasida ta'lim berish maqsadida tashkil etilgan “YAMATO IT ACADEMY” nomli o’quv markazida bo’lib, ta'lim olayotgan yoshlar bilan muloqot qildi. Bu yerda yo’lga qo’yilgan ta'lim dasturi doirasida yoshlarga kompyuter savodxonligi hamda Yaponiyada ishlash uchun yetarli til ko’nikmalari o’rgatiladi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram