Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
FARG’ONADA ALISHER NAVOIY TAVALLUDINING 581 YILLIGI KO’TARINKILIK BILAN NISHONLANMOQDA
2022-02-09 11:54:20 80
Buyuk shoir va mutafakkir, atoqli davlat va jamoat arbobi Alisher Navoiy tavalludining 581 yilligiga bag’ishlangan bayram tadbirlari Farg’onada ham ko’tarinkilik bilan nishonlanmoqda.
Bugun erta tongdan Farg’ona shahridagi Alisher Navoiy haykali poyiga gul qo’yish marosimi bo’lib o’tdi.
Unda viloyat hokimining o’rinbosarlari, davlat va jamoat tashkilotlari rahbarlari, adabiyotshunos olimlar, ziyolilar, talaba-yoshlar ishtirok etishdi.
Tadbirda viloyat hokimining o’rinbosari Fayzullo Qosimov yig’ilganlarni hazrat Navoiy tavalludi bayrami bilan qutlab, ulug’ bobokalonimizning ijtimoiy-siyosiy hayotiga, uning asarlaridagi ma'naviy-tarbiyaviy jihatlarga alohida to’xtalib o’tdi.
Shuningdek, O’zbekiston Yozuvchilar uyushmasi viloyat bo’limi rahbari Enaxon Siddiqova, filologiya fanlari doktori, Navoiyshunos olim Xabibullo Jo’rayev shoir ijodini puxta o’rganish, asarlarini qayta va qayta o’qish, ularda ulug’langan g’oyalarning yosh avlod tarbiyasi uchun muhim ekanligini ta'kidlab o’tdilar.
Tadbir davomida Farg’ona shahridagi Prezident maktabida ta'lim berayotgan Kanada, Buyuk Britaniya, Filippinlik ustozlar, Erkin Vohidov nomidagi ijod maktabi o’quvchilari tomonidan Alisher Navoiy g’azallaridan namunalar o’qildi.
Shoirga ehtirom tadbiri so’nggida yig’ilganlar Alisher Navoiy haykali poyiga gul qo’yib, hurmat bajo keltirishdi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram