Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Farg'ona viloyati investitsion salohiyati
Saytni baholash
O‘quv-seminar: Korrupsiyaga qarshi kurashishning ustuvor yo‘nalishlari
2022-06-30 17:10:02 264
Marg’ilon shahar hokimligi majlislar zalida Korruptsiyaga qarshi kurashish agentligi tomonidan “O’zbekiston Respublikasida korruptsiyaga qarshi kurashishning ustuvor yo’nalishlari, davlat xizmatchilarida korruptsiyaga nisbatan murosasiz munosabatni va unga qarshi kurashish bo’yicha ijobiy xulqni shakllantirish” mavzusidagi o’quv-seminar o’tkazildi.
Seminarda O’zbekiston Respublikasi Korruptsiyaga qarshi kurashish agentligining mas'ul xodimlari O.Abdug’aniyev, R.Yuldashev, Oliy Majlis Qonunchilik palatasi deputati Doniyor G’aniyev, viloyat hokimligi korruptsiyaga qarshi kurashish ichki nazorat rahbari Farhodjon Nugmanov, viloyat mahallabay ishlash va tadbirkorlikni rivojlantirish boshqarmasi boshlig’i Anvarjon Abdullayev, shahar hokimi Adham Ziyavitdinov, shuningdek, Marg’ilon shahri, Toshloq va Qo’shtepa tumanlaridagi mahallalarda faoliyat yuritib kelayotgan barcha hokim yordamchilari ishtirok etdilar.
Seminarda so’z olganlar tomonidan korruptsiyaga qarshi kurashish bo’yicha qabul qilingan normativ-huquqiy hujjatlar, korrruptsiyaning oldini olish borasida joriy etilayotgan yangi mexanizmlar, korruptsiyaga qarshi ichki nazorat tuzilmalari faoliyati, davlat xizmatchilarining mol mulki va daromadlarini deklaratsiyalash tizimini joriy etish, manfaatlar to’qnashuvini samarali boshqarish yo’nalishlarida amalga oshirilayotgan ishlarga e'tibor qaratildi.
Shuningdek, hokim yordamchilari faoliyatida korruptsiyaviy omillarni vujudga kelish sabablari hamda shart-sharoitlari, ularni bartaraf etish usullari ham tahlil qilindi.
