Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
FARG’ONADA KOREYS ISHLAB CHIQARUVCHILARI SANOAT TEXNOPARKI TASHKIL ETILADI
2023-04-26 22:05:08 438
Viloyat hokimi Xayrullo Bozorov Farg’onada o’z investitsion loyihasini amalga oshirishni rejalashtirayotgan 15 nafardan iborat koreyalik ishbilarmonlarning katta guruhini qabul qildi.
Viloyat hokimi boshchiligidagi Farg’ona viloyati rasmiylari hamda tadbirkorlaridan iborat delegatsiyaning joriy yil 27-30 mart kunlari Koreya Respublikasiga tashrifi davomida Seulda koreys tadbirkorlari bilan davra suhbati tashkil etilib, viloyatning investitsiyaviy salohiyati taqdimoti o’tkazilgandi. Olib borilgan muzokaralar natijasida “Incense Korea”, “Herbtherapy” (xushbo’y atirlar), “Juno cosmetics”, “Samhee” (kosmetika), “Techon System” (sensorli qurilmalar), “Korea Electric Lighting” (avtonom lampalar), Yeowoon (zargarlik buyumlari), “Daeha Solutech” (kabel ishlab chiqarish), “Juil” (yong’inga qarshi himoya vositalari) va boshqa kompaniyalarning ishlab chiqarish korxonalarini joylashtirish bo’yicha hamkorlik bitimlari imzolangandi.
Bugungi uchrashuvda ushbu kompaniyalar rahbarlari hamda boshqa qator sarmoyadorlar ishtirok etdilar.
Koreyalik tadbirkorlar kun davomida viloyatning potentsiali haqida yetarli ma'lumotga ega bo’lishganini qayd etib, o’z loyihalarini amalga oshirish bo’yicha amaliy ishga kirishishga tayyor ekanliklarini ma'lum qilishdi. Farg’ona shahridagi Ekoshahar majmuasining tegishli kichik sanoat zonasi hududida “Koreys ishlab chiqaruvchilari Sanoat Texnoparki” tashkil etish bo’yicha Seuldagi muzokaralarda erishilgan kelishuvni hayotga tadbiq etish hamda aniq investitsion loyihalarni ishlab chiqishga kirishishlarini bildirdilar.
Uchrashuvda viloyat hokimining o’rinbosari Iqboljon Ergashev ishtirok etdi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram